Президент Тоқаев күйеуін өлтіріп 22 жылға сотталған әйелге рақымшылық жасады

Қасым-Жомарт Тоқаев күйеуін өлтіргені үшін 22 жылға сотталған әйелге рақымшылық жасады. Президент үш баласы жалғыз қалған әйелді үндеу жазғаннан кейін кешіріп, жазасын өтеушіні он жыл уақытынан бұрын түрмеден шығаратын болды. Лариса Антонюк жазасының қалған бөлігін шартты түрде өтейді.
Лариса осыдан он бес жыл бұрын Түркменстан азаматына тұрмысқа шығып, күйеуімен бірге оның тарихи отанына көшіп барады. Бірнеше жыл бірге тұрғаннан кейін жолдасының есірткіге құмар екенін біліп, зорлық-зомбылықтың құрбаны болғанын, жұбайынан күнде таяқ жейтінін айтқан. Тіпті, балаларын әкесімен үйде жалғыз қалдыруға қорыққаннан жұмысқа да шыға алмай қалыпты.
Ақыры отбасылық жанжал кезінде абайсызда күйеуін өлтіріп алған. 22 жылға сотталып, Қазақстанға экстрадицияланған ол 12 жылдан кейін алғаш рет балаларымен видео арқылы түрмеден байланысқа шықты.
ЛАРИСА АНТОНЮК, сотталған:
– Түзету мекемесінің басшылығы Президент Қасым-Жомарт Тоқаевқа рақымшылық жасауды сұрап, үндеу жариялауды ұсынды. Үндеуіме Президент жауап беріп, оны қанағаттандырды. Өкінетініме сенгені үшін және отбасыммен қайта қосқаны үшін алғыс білдіремін.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#рақымшылық #Тоқаев #амнистия #қылмыс

Видео Президент Тоқаев күйеуін өлтіріп 22 жылға сотталған әйелге рақымшылық жасады канала Информбюро 31