Հայաստան ներկրվող մեքենաների արժեքը կարող է 4-5 անգամ բարձրանալ

http://galatv.am/hy/
Տարածաշրջանային և Եվրասիական ինտեգրման հարցերի մշտական հանձնաժողովում այսօր տնտեսական զարգացման և ներդրումների նախարար Տիգրան Խաչատրյանն էր։ Քննարկման թեման՝ Եվրասիական տնտեսական միության և Հայաստանի Հանրապետության միջև համագործակցությունը:

Տիգրան Խաչատրյանը նշեց, որ Եվրասիական տնտեսական միությունը մեր տնտեսական շահերի հիմնական հատվածն է՝ ՀՀ-ից արտահանվող և ՀՀ ներմուծվող ապրանքների տեսանկյունից։

«2018թ. Հայաստանից ընդհանուր 2.4 մլրդ դոլար արտահանումներից մոտ 680 մլն դոլարն իրականացվել է ԵԱՏՄ երկրներ»,- նշեց նախարարը:

Նախարարի խոսքերով՝ եթե ընդհանուրից հանվի հանքահումքային արտադրանքը՝ մոտ 800 մլն դոլար, ապա արտահանումների գրեթե կեսը բաժին է ընկնում ԵԱՏՄ երկրներին։

Հանձնաժողովի նախագահ Միքայել Մելքումյանը, խոսելով մաքսատուրքերի մասին, նկատեց. «2017 թվականին Հայաստան երրորդ երկրներից ներկրվել է 37 հազար 710 ավտոմեքենա, 2018 թվականին՝ 65 հազար 110 ավտոմեքենա, այսինքն՝ կրկնակի աճ ենք ունեցել, իսկ 2020 թվականից ավտոմեքենաների մաքսատուրքը լինելու է ոչ թե հայտարարագրված արժեքով և 10 տոկոս մաքսատուրքով, այլ ըստ շարժիչի հզորության, ինչը հանգեցնելու է նրան, որ մեքենաների արժեքը 4-5 անգամ ավելանալու է»:

Նա դիմեց նախարարին, թե արդյոք ճիշտ չի՞ լինի, որ մենք դիմենք ԵԱՏՄ և առաջարկենք, որ առաջիկա հինգ տարիների համար մաքսատուրքերը Հայաստանի համար չբարձրանան:

Տիգրան Խաչատրյանն արձագանքեց, որ գործող մաքսատուրքերը որպես անցումային շրջան և արտոնություն են սահմանված եղել Հայաստանի համար, այսինքն մեկ անգամ բանակցություններ արդեն եղել են:
Subscribe to our channel: https://www.youtube.com/user/tvgala?f...
- Follow us on Twitter: https://twitter.com/GALATVNEWS
- Find us on Facebook: https://www.facebook.com/GalaTV

Видео Հայաստան ներկրվող մեքենաների արժեքը կարող է 4-5 անգամ բարձրանալ канала GALA TV