Көкшетауда тұрғындар үйлерінің жанынан қосалқы электр станциясын салуға қарсы шықты

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Көкшетауда тұрғындар үйлерінің жанынан қосалқы электр станциясын салуға қарсы. Айтуларынша, құрылыс таңдалған орынды көктем сайын су басады. Сондықтан кез келген сәтте өрт шығып, өмірімізге қауіп төнуі мүмкін дейді жұрт. Халық «Көкшетау энерго» серіктестігі әкімдіктен рұқсат алмай құрылыс жұмыстарын бастап кетті деп ашулы. Мәселенің мән-жайын өңірдегі әріптесім Айгүл Мырзағалиқызы біліп қайтты.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Үйлерінің дәл іргесінен электр станциясы салынады дегенді естіген тұрғындар өре түрегелді. Бес қабатты бірнеше үйдің жұрты құрылысқа түбегейлі қарсы. Себебі, станция салынатын орынға үнемі су жиналады екен. Оған қоса, серіктестік тиісті рұқсат қағазын алмады дейді шулаған қараша.
ӘЛІБЕК ҒАЗИЗОВ, Көкшетау қаласының тұрғыны:
– Біздің ПИК, ЖКХ-ға да барып келді. Олар да құрылыс жүргізуге берілген рұқсат қағазды көрсете алмады. Міне, ана жақта арнайы алаң бар. Сол жерге салса болады ғой. Юбилейный 40 мекенжайы бойынша қаншама бос орын бар. Мына жер үнемі суға толып қалады. Трансформатор үйден 20 шақырымнан алшақ болуы керек. Үйде бәрі газ баллон қолданады. Ертеңгі күні өрт шықса, не істейміз?!
Сондай-ақ, құрылыс алаңының астымен құбыр жүргізілген екен. Тұрғындар станция салынса ақауды коммуналдық қызмет мамандары қалыпқа келтіре алмайды деп алаңдайды. Оған қоса, сымдар қысқа тұйықталса өрт шығуы мүмкін деп отыр.
ЮЛИЯ САВОСТЕЕНКО, Көкшетау қаласының тұрғыны:
– Бұл жер өте қауіпті. Үнемі ылғал болып тұрады. Сондықтан сымдар жарқырап, электр жүйелері тұйықталса, апат болады деп қорқамыз.
Ал, «Көкшетау энерго» компаниясы барлық заң мен талапты ескердік, тұрғындарға келер қауіп жоқ деп отыр. Айтуларынша, жаңа қосалқы станция салынса бұрынғыдай бір емес, екі шағын аудан толық жарықпен қамтылмақ.
ДАНИЯР ҮСЕМБАЕВ, «КӨКШЕТАУ ЭНЕРГО» ЖШС бөлім бастығы:
– Біздің дәл осы жерді таңдауымыздың себебі – бұл орынның ескі электр станциясына қарама-қарсы орналасуы. Сондықтан бұрынғы сымдарды ауыстыру оңай болады. Жерді қала әкімдігінен алдық. Боровской микрорайонында электр станциясы әбден ескіріп, тозығы жеткендіктен жарық жиі өшіп қалатын. Енді екі бірдей шағын ауданды қамтитын боламыз. Құрылыс жұмыстарын бастамай тұрып барлық коммуналдық қызмет мамандарымен ақылдасып, келістік.
Бірақ халықтың қарсылығына қарамастан қосалқы электр станциясының іргетасы қаланып, құрылыс қыз-қыз қайнап жатыр. Енді тұрғындар жарықтан тарықпайды деген серіктестік өкілдері станцияны бір айдың ішінде толық аяқтаймыз деп отыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

Видео Көкшетауда тұрғындар үйлерінің жанынан қосалқы электр станциясын салуға қарсы шықты канала Информбюро 31