“KHAZAR” AVTOMOBİLLƏRİ SATIŞA ÇIXARILIR

Xəzər Avtomobil zavodu bu gündən istehsal etdiyi “Khazar “ adlı avtomobilləri satışa çıxarır. Zavod ilk ayda 160 ədəd avtomobilin istehsalını nəzərdə tutub. Artıq 100 ədəd avtomobil satışa hazırdır. İlk öncə hazır oaln avtomobillər yerli bazara çıxarılacaq. Daha sonrakı illərdə isə “Made in Azerbaijan” brendi adı altında xarici bazara çıxaracaq.
“Khazar” Avtomobil Zavodunda istehsal edilən Khazar LD və Khazar SD markalı avtomobillərin bir hissəsi sifariş əsasında dövlət qurumlarına və sahibkarlara təhvil veriləcək. Yerdə qalan hissə isə iyunun 11-dən daxili bazarda satışa çıxarılacaq. Avtomobillərin qiyməti 14 min manatdan 20 min manata qədər olacaq. İlin sonuna qədər bir neçə yeni modelin, eyni zamanda “Peugeot” markalı avtomobillərin də istehsalı nəzərdə tutulub.
Zavodun istehsal gücü illik 10 min avtomobildir. Nəqliyyat vasitələri Avro-5 və beynəlxalq təhlükəsizlik standartlarına tam cavab verir. Ümumilkdə 2018-ci ilin sonunadək 1500, 2019-cu ildə 3000, 2020-ci ildə isə 5 min ədəd avtomobilin istehsalı planlaşdırılır. İlin sonunadək avtomat ötürücü qutusuna malik olan avtomobillərin də istehsalına başlanacaq. Bu nəqliyyat vasitələrinin qiyməti 1000-1500 manat baha olacaq. İqtisadiyyat nazirinin müavini Niyazi Səfərov bildirib ki, Neftçala avtomobil zavodunun illik dövriyyəsi 140 milyon manatdan çox olacaq.
Neftçala Avtomobil zavodu Neftçala Sənaye Məhəlləsinin ən iri müəssisəsidir. Zavodda ümumilikdə 300 nəfər çalışır. Zavodun səhimlərinin 75 faizi “Azərmaş” ASC-yə, 25 faizi isə “Iran Khodra” şirkətinə məxsusdur. İstehsal müəssisəsi 25 milyon manata ərsəyə gəlib. Zavodda İran və Avropanın aparıcı ölkələrinin müasir texnologiyaları əsasında "Runna", "Samand", "Soren", "Dena", "Pejo”, “Reno” kimi avtomobil modellərinin istehsalı nəzərdə tutulur.

Видео “KHAZAR” AVTOMOBİLLƏRİ SATIŞA ÇIXARILIR канала CBC TV Azerbaijan