Թատրոնի և սերիալի վնասները։ Դիվական զվարճություններ և հանդիսություններ։ Սուրբ Հովհան Մանդակունի։

Կարդաց` Արման Ժորայի Բալյանը։

Եվ նրանք իրենց անձերի վրա այրող հրի և մահացու սրի վերքեր ընդունած դուրս են գալիս պիղծ թատրոններից խոր վիրավորված և խոցոտված սատանայի գաղտնի նետերից, որոնք սաստկապես հոգին են վիրավորում և մեծամեծ անօրենությունը փոքր համարել են տալիս, որից պետք է միշտ սարսել և դողալ, մեծ երկյուղով փախչել ու հեռանալ քանզի չար է այս սովորույթը, չար են նաև նրա հորդորիչները, գինին, գուսանը, սատանան և ցոփագնացությամբ մոլորված ու վավաշոտությամբ արբած միտքը, որը հոժարակամ և դյուրահավան ընդունում է սատանայի չար սերմերը։
Մանավանդ թեթևամիտ դյուրահավան և դյուրախաբ կանայք, որոնք գարշությամբ պագշոտած աներկյուղ միշտ դեպի թատրոններն են շտապում տեսնելու սատանայական հրապարակներում կատարվող անօրեն խաղերը։ Վեր բարձրանալով նստում են երևելի տեղերում, տեսնում իրենց նմաններին նույն չարիքի մեջ և չարը խորհում։ Նրանք թեպետ այդ պահին չեն զգում անօրեն գործերի հարվածները սակայն իրենց սրտերում խոցվում են մահացու նետերով, որոնք հետո մահվան են տանում ինչպես որսորդի նետից վիրավորված գազանը, որը թեպետ առժամանակ ազատվում է թակարդից, սակայն հետո սատկում է մարմնում մխրճված նետից։
Սերիալներում և թատրոններում կույսերը պոռնկության են հորդորվում, ամուսնացյալները շնության, կանայք ատելի են դառնում տղամարդկանց և տղամարդիկ` կանանց, որդիները հայրերի հետ են թշնամանում և աշխատակիցները` իրենց ղեկավարների։
Սերիալներից է տարեցների անհամությունը, երիտասարդների վավաշոտությունը, պառավների անպատկառությունը, մանկահասակ աղջիկների ցանկասիրությունը, տղամարդկանց լկտիությունը և կանանց սանձարձակությունը։
Այնտեղ են կատարվում հրապուրանքներով որսը, ամուսնալուծությունը, մանկասպանությունը և աբորտը զարդարանքների և պաճուճանքների համար։ Սերիալները տկարացնում է հոգին, քայքայում միտքը, աչքերն արատավոր դարձնում, լեզուն մղում դատարկաբանության, գործերում ծուլություն է բերում, զբաղեցնում է ամեն տեսակ չարիքներով, որոնք օտարացնելով հեռացնում են դիտողին Աստծո սիրուց և մերժելով դուրս հանում քրիստոնեական կարգից։
Թատրոնն ու սերիալները սովորեցնում են ամբարտավանություն, հայհոյություն, նենգություն, կեղծավորություն, անմաքուր նայվածքներ, նախանձ, բամբասանք, որոնց պատճառով Աստծո պատուհասներն են գալիս երկրի վրա`դատապարտելով նրանց սաստիկ տանջանքների։
ՀՈՎՀԱՆ ՄԱՆԴԱԿՈՒՆԻ (410-490)

Հայ մեծանուն  վարդապետ և  հայրապետ ս. Հովհան Մանդակունին ծնվել է Արշամունյաց գավառի Ծախնոտ գյուղում՝ նախարարական ընտանիքում: Նա պատանի հասակից աշակերտել է ս. Սահակ Պարթևին և ս. Մեսրոպ Մաշտոցին:

478 թ. Մանդակունին դարձել է հայոց կաթողիկոս և իր հայրապետության առաջին տարիներին մասնակցել պարսկական տիրապետության դեմ մղվող պատերազմին՝ իր ներկայությամբ և աղոթքներով մեծապես ոգեշնչելով ու քաջալերելով զինվորներին: Հայտնի է, որ մարտերի ժամանակ  հայրապետը  նույնիսկ վիրավորվել է:
Հետագայում, լծվելով  Եկեղեցու բարեկարգման գործին, Մանդակունին վերակառուցել է Վաղարշապատի և Դվինի եկեղեցիները, հաստատել է պատարագի  և  ժամերգության կարգերը, ինչպես նաև գրել է բազմաթիվ ճառեր, շարականներ և աղոթքներ:
Աղբյուր` Daily worship բջջային հավելված
Աստված արարեց մարդուն և նրան դրեց փափկության դրախտում` իր բնության մեջ ողջ ունենալով բոլոր զգայությունները: Երբ մարդը լսեց նրան, ով խաբեց իրեն, այնժամ առավ բոլոր ախտերը և իսկույն դուրս եկավ իր մեծ ու չքնաղ փառքից, որպեսզի ճանաչի, որ կան ախտեր, որոնք իրեն հեռացնում են Աստծուց, և որպեսզի աղաչի բարերար Աստծուն, որ օգնի իրեն, և ապա միայն կկարողանա իրենից հեռու վանել բոլոր ախտերը:
Մարդու մեջ գտնվող այս բոլոր վերքերն են, որ քակում  բաժանում են նրան Աստծուց:
Երանի նրանց, ովքեր իրենց հոգին և մարմինը սրբում են բոլոր ախտերից ու բոլոր պղծություններից, քանզի բանական ոչխար, Աստծուն ընդունելի զոհ են նրանք և լսում են այն ձայնը, որ ասում է.«Բարի և հավատարի’ մ ծառա, այդ քչի մեջ հավատարիմ եղար, շատի վրա կկարգեմ քեզ, ե’ կ, մտի’ր քո Տիրոջ ուրախության մեջ՚ » (Մատթ. ԻԵ 21): Իսկ նրանք, ովքեր կամենում են կատարել իրենց մարմնի կամքը և չեն կամենում բժշկել իրենց սուրբ առաքինությունների բժշկությամբ, անհրաժեշտ ժամին սուրբ պատվիրանից մերկ կլինեն և կընկնեն արտաքին խավարը, որտեղ սատանան է և կապվածները:
 Պղծությունների պատմուճանները սրանք են` պոռնկություն, արծաթասիրություն, չարակնություն, բանսարկություն, նախանձ, փառասիրություն, հպարտություն. սրանք և սրանց նման բաները:
 Ի՞նչ է պոռնկությունը` ցանկություն, որկրամոլություն, քնից հագեցում, անշգործություն, դատարկախոսություն, մարմնի զարդարանք, ծաղրանք, անամոթություն, թուլություն, ծուլություն:
 Ի՞նչ է արծաթասիրությունը. փողասիրություն, անհավատություն, անհուսություն, անգթություն, անողորմություն, ագահություն, արհամարհանք, անբարի ստություն, ինքնահավանություն և Աստծու պատվիրանների անտեսում:
 Ի՞նչ է չարակնությունը. չարակնությունը չարախոսություն է, նախանձ, մարդահաճություն, եսասիրություն, տգիտություն, ստություն և սուտ վկայություն:
 Ի՞նչ է բարկությունը. բարկությունը սեփական կամքը պարտադրելն է, հակառակությունը, վեճը, նենգությունը, սուտ գիտությունը, կարճամտությունը, նեղսրտությունը, ձանձրույթը։
 
ՀՈՎՀԱՆ ՄԱՆԴԱԿՈՒՆԻ, գրառումը Հայ Առաքելական Եկեղեցու «Սուրբ Աստվածածին Մալաթիա» ֆեյսբուքյան էջից

#աուդիոգիրք #քարոզ #խրատ #թատրոն #սերիալ #մանդակունի #արմանբալյան #аудиокнига #սուրբհովհանմանդակունի #армения #арманбалян #мандакуни #audiobook #audiogirq #mandakuni #armanbalyan

Видео Թատրոնի և սերիալի վնասները։ Դիվական զվարճություններ և հանդիսություններ։ Սուրբ Հովհան Մանդակունի։ канала Arman Balyan Zhorai