Киниса да одам вo В'мбел на гости.

Киниса да одам во В'мбел на гости -(Село В'мбел) .
Селото се наоѓа на 2 километри северозападно од селото Смрдеш (Кристалопиги) и на 54 километри југозападно од Лерин (Флорина) и на 40 километра северозападно од Костур (Касторија) во подножјето на планината Корбец (Трикларио) и врвот Козик на областа Корешта (Корестија).
За време на Илинденско востaние (1903),селото е изгорено до темел од страна на Отоманите.На почетокот, за време на балканските војни и Првата светска војна како и после голем дел од популацијата на ова чисто македонско село се исели во другите балкански држави и прекуокеанските земји.Во периодот меѓу двете светски војни селото трпи присилна грцизација, во понатамошниот период на Втората светска војна како и Граѓанската Војна во Грција (1946-1949),селото загуби многу жители кои загинале во борбите против окупаторите. На 13 јануари 1948 година во црквата на с. В'мбел, Костурско, беше одржан Првиот конгрес на македонската национално-ослободителна организација НОФ. За време на Граѓанската Војна во Грција (1946-1949),селото е изгорено и тотално опустошено. Населението било присилно иселено во источно европските земји, голем дел од населението се врати во својата татковина (Република Македонија) за време на шеесетите и седумдесетите години од минатиот век. Надалеку се познати старите обичаи,народни песни и богатата но тажна историја на ова славно Mакедонско село.
Во селото имало изграден православен христијански храм датира од 1870 година посветен на Св. Димитрија, веднаш после Граѓанската Војна во Грција во опустошеното село дошол митрополитот костурски со двајца полицајци и ги земал со себе старите вредни икони од црквата. По неколку години митрополитот загинува во сообраќајна незгода, едниот од полицајците се самоубива а на другиот, синот тешко се разболил.Овoj настан го знаат многу жители на Костур и околината.Во чест и слава на селото една улица во населба Автокоманда Општина Гази Баба во Скопје е именувана по селото Вамбел (В`мбел).

Видео Киниса да одам вo В'мбел на гости. канала Костадин С