ҶУСТУҶӮИ ФИРӮЗ МУМИНОВ БАРОИ КУМАК БА ФИРОРИ “ДИЛШОДИ КРАСАВЧИК"

Додситонии кулли Тоҷикистон рӯзи 15 сентябри соли 2023 хабар дод, ки Фирӯз Муминов, сокини 39-солаи деҳаи Чузии ҷамоати Чусти ноҳияи Шаҳринавро барои кумак ба фирори Дилшод Саидмуродов, мулаққаб ба “Дилшоди СБ” ва “Дилшоди Красавчик”, муттаҳами асосӣ дар рабудан ва қатли бонкдори маъруф Шуҳрат Исматуллоев таҳти ҷустуҷӯи байналмилалӣ қарор додаанд.
Худи Фирӯз Муминов ваё наздиконаш барои шарҳи қазия дастрас нестанд, вале додситонӣ мегӯяд, ки Муминов се сол боз Дилшод Саидмуродовро мешинохт ва баъди фирори ӯ аз Тоҷикистон Саидмуродовро як ҳафта дар Пенза пинҳон карда, сипас тавассути мошини кирокаш ба Маскав фиристодааст.
Додситонӣ дар баёнияаш гуфт: “Шаҳрванди Ҷумҳурии Тоҷикистон Муминов Фирӯз Фаттоевич, санаи таваллудаш 10 январи соли 1984, сокини ноҳияи Шаҳринав, ҷамоати деҳоти Чуст, деҳаи Чузӣ, ки аз соли 2020 бо Саидмуродов Д.Ҳ. шиносоӣ дошт, баъди содир кардани ҷиноят Саидмуродов Д.Ҳ.-ро дар шаҳри Пензаи Федератсияи Россия қабул карда, то 1 июли соли равон барои пинҳон шудани ӯ мусоидат намудааст. Пас аз ин, Муминов Ф.Ф. кирдорҳои ҷиноятии худро идома дода, дидаву дониста, ки Саидмуродов Д.Ҳ. дар ҷустуҷӯӣ байналмилалӣ қарор дорад бо мақсади дар дигар минтақаи Федератсияи Россия пинҳон намудан, ӯро аз шаҳри Пенза тавассути воситаи нақлиёти кироякаш ба шаҳри Москва гусел кардааст. Бинобар ин, аз ҷониби Прокуратураи генералии Ҷумҳурии Тоҷикистон нисбати Муминов Ф.Ф. парвандаи ҷиноятӣ оғоз гардида, ҷустуҷӯӣ байналмилалии ӯ эълон карда шудааст”.
Додситонии кулли Тоҷикистон ҳамзамон тасдиқ кард, ки “ҳар нафаре, ки ба Прокуратураи генералии Ҷумҳурии Тоҷикистон ва дигар мақомоти ҳифзи ҳуқуқ вобаста ба буду боши ҷинояткор иттилоъ медиҳад, бо мукофотпулӣ қадрдонӣ карда мешавад.”

Видео ҶУСТУҶӮИ ФИРӮЗ МУМИНОВ БАРОИ КУМАК БА ФИРОРИ “ДИЛШОДИ КРАСАВЧИК" канала Bomdod TV