Fərdi sahibkarlıq nədir? - İzah edirik

18 yaşına çatan hamı fərdi sahibkarlıqla məşğul ola bilər. Yəni öz biznesini qura bilər. Sahibkarlıq öz miqyasına görə kiçik, orta və iri sahibkarlığa ayılır. Kiçik və orta sahibkarlığın əhəmiyyəti hər bir ölkə üçün əvəzsizdir. Onlar iri müəssisələrin buraxa bilmədiyi məhsulları və ya məhsulların buraxılması üçün lazım olan hissələri istehsal edirlər, müxtəlif xidmətlər göstərirlər, kiçik pərakəndə ticarətçidirlər, iş yerləri məhdud olan yerlərdə işsizliyi qismən aradan qaldırılar, istehlakçıları məhsulla təmin edirlər, vergi ödəməklə büdcənin gəlirini atırırlar, əhalinin müəyyən hissəsinin gəlir yeridirlər, bir sözlə ümumi həyat səviyyəsinin yüksəlməsində kifayət qədər əhəmiyyətli rol oynayırlar. Azərbaycanda kiçik və orta sahibkarlıq inkişaf edə bilmir. Onların qarşısında duran hansı problemlər aradan qaldırılmalıdır? Sahibkarların ən çox əziyyət çəkdiyi yer gömrükdür. Gömrük rüsumları yüksəkdir, üstəlik bürokratikdir. Sifariş edilən mallar bəzən aylarla gömrükdə ləngidilir, sahibkardan rüşvət istənilir. Azərbaycanda rast gəlinən neqativ hal hansısa məmurun sahibkarın sifariş etdiyi malı mənimsəməsidir, özünküləşdirməsidir. Başqa problem xüsusilə də kiçik və orta sahibkarlığın uzunmüddətli və aşağı faizli kreditlərə çıxış imkanlarının məhdud olmasıdır. Azərbaycanda kredit faizləri çox yüksəkdir. Eyni zamanda kredit şərtləri də ağırdır. Məsələn, çayçılıqla məşğul olan iş adamı çay kollarını əkdiyi sahədən 5-6 ildən sonra məhsul götürə bildiyi halda, kredit ona ən çoxu 5 illiyə təklif olunur. Bu, əlbəttə ki, heç bir halda əlverişli sayıla bilməz. Ölkədə kiçik və orta sahibkarlığın inkişafı qarşısında duran əsas maneələrdən biri də inhisarçılıqdır, monopoliyadır. “Məmurların iri biznesləri imkan vermir ki, kiçik və orta sahibkarlar da bazara girə bilsinlər. Hansısa məmurun tapşırığı ilə kiçik sahibkar ölkəyə mal gətirə bilmir çünki o monopoliyadadır, və ya öz məhsulunu bazara çıxara bilmir çünki məmur monopoliyası var.

Kanala abunə ol - https://goo.gl/TcM9Fm
Bizə maddi dəstək ol https://cutt.ly/destek

WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277

Видео Fərdi sahibkarlıq nədir? - İzah edirik канала Meydan TV