Yekun xəbərlər 21.11.2020 (Xəbər Saatı) Qarabağla bağlı SENSASİON XƏBƏR!

Noyabrın 22-də Bakıda və Abşeron yarımadasında dəyişkən buludlu olacağı, arabir tutulacağı, əsasən yağmursuz keçəcəyi, lakin gecə bəzi yerlərdə yağış yağacağı gözlənilir.
Milli Hidrometeorologiya Xidmətindən Publika.az-a verilən məlumata görə, sabah şimal-şərq küləyi əsəcək. Havanın temperaturu Abşeron yarımadasında gecə 6-8, gündüz 8-11, Bakıda gecə 6-8, gündüz 8-10 dərəcə isti olacaq. Atmosfer təzyiqi normadan yüksək 770 mm civə sütunu təşkil edəcək, nisbi rütubət gecə 70-80, gündüz 55-60 faiz olacaq.
Noyabrın 22-də Azərbaycanın rayonlarında arabir yağış, dağlıq ərazilərdə qar yağacağı, gündüz əsasən yağmursuz keçəcəyi gözlənilir. Arabir duman olacaq. Mülayim şərq küləyi əsəcək. Havanın temperaturu gecə 5-7, gündüz 7-11 isti, dağlarda gecə 3-8 dərəcə şaxta, gündüz 1-3 dərəcə şaxta olacaq.
Tibbi-meteoroloji proqnoz
Noyabrın 22-də Abşeron yarımadasında meteoroloji amillərin mülayim tərəddüdü gözlənilir ki, bu da bəzi meteohəssas insanlar üçün əssasən əlverişlidir.
Ermənistanın baş naziri Nikol Paşinyan Rusiyanın xarici işlər naziri Sergey Lavrovu və qurumlararası nümayəndə heyətini qəbul edərkən çəkilən fotolar sosial şəbəkələrdə müzakirələrə səbəb olub.
Yenisabah.az xəbər verir ki, müzakirə edilən fotolarda görüş zamanı otaqda tərəflərdən yalnız Ermənistanın bayrağı olduğu, Rusiyanın bayrağının yer almadığı əks olunub.
Xatırladaq ki, Rusiyanın müdafiə naziri Sergey Şoyqunun rəhbərlik etdiyi nümayəndə heyəti Ermənistana səfər edib. Rusiyanın xarici işlər naziri Sergey Lavrov, Baş nazirinin müavinləri Aleksandr Novak və Aleksey Overçuk da nümayəndə heyətinin tərkibində yer alır.
Azərbaycan, Rusiya prezidentləri və Ermənistan baş naziri tərəfindən noyabrın 10-da imzalanan üçtərəfli bəyanat Azərbaycan tarixinin ən böyük hərbi, siyasi və diplomatik qələbəsidir. Dağlıq Qarabağ münaqişəsinin həlli ilə bağlı imzalanmış üçtərəfli bəyanat Azərbaycanın böyük Qələbəsi, illərdir düşmən tapdağı altında qalan torpaqlarımızın qayıtması, üçrəngli bayrağımızın əsl sahiblərinə qovuşan torpaqlarımızda qürurla ucaldılmasıdır. Ağdam rayonunun hərbi əməliyyat keçirmədən, siyasi yolla işğaldan azad olunması noyabrın 10-da imzalanmış üçtərəfli Bəyanatın nəticəsidir.
Yenisabah.az xəbər verir ki, bunu Milli Məclisin deputatı Naqif Həmzəyev bildirib.
Millət vəkili qeyd edib ki, Müzəffər Ali Baş Komandanımızın rəhbərliyi ilə rəşadətli Azərbaycan Ordusunun sentyabrın 27-dən başladığı zəfər yürüşü 44 gün ərzində 30 ilin həsrətinə son qoyub, avantürist Ermənistanın təcavüzkar silahlı qüvvələrini darmadağın etdi, işğal altında qalan torpaqlarımızı əsl sahibinə qaytardı.
1993-cü il iyulun 23-də erməni işğalçıları tərəfindən zəbt edilən Qarabağın mərkəzində yerləşən Ağdamın böyük hissəsi uzun sürən ayrılıqdan, doğma el-oba həsrətindən sonra, nəhayət, azad edildi. Azərbaycan tarixinin yeni, ən şərəfli səhifəsini yazan Prezident İlham Əliyevin möcüzəsi, Azərbaycan xalqının, böyük Qayıdışa ümidini itirən doğma yurd-yuvalarından didərgin düşən soydaşlarımızın arzularını reallaşdırdı. Prezidentimizin ölkəyə rəhbərlik etdiyi 17 ildə həyata keçrdiyi məqsədyönlü siyasətdən güc alan bu möcüzə bizi qələbəyə, qayıdışa addım-addım yaxınlaşdırırdı.
Düşmən Ağdamı işğal edəndə bu rayonun barlı-bəhərli bağları, üzüm plantasiyaları, ağır yeyinti və yüngül sənayesi, qədim tarixə malik olan çoxlu memarlıq və incəsənt abidələri var idi. İndi isə erməni vandalları Ağdamı xarabalıqlara, dağıdılıb viranə qalmış məkana çevirib, qaytarır. Düşmən İkinci Qarabağ müharibəsinin son günlərinədək Ağdamda qanunsuz arxeoloji qazıntılar aparıb, mədəni abidələri talan edərək bütün infrastrukturu məhv edib, evlərin daşlarını da söküb aparıb, şəhərinin mərkəzində yerləşən qədim memarlıq abidəsi sayılan məscidi, minarələrini vəhşicəsinə uçurub.
Düşmənin vəhşi xisləti, məkrli, çirkin niyyəti yenə də puç oldu. Ağdam yenidən bərpa edilərək Azərbaycanın ən gözəl şəhərləri sırasında olacaq. Ölkə Prezidentimizin dediyi kimi “İndi Ağdam üçün yeni dövr başlayır. Bizim böyük planlarımız var”.
El gücü, milli birliyimiz, ölkə Başçımızın məqsədyönlü, xalqımızın xoş gününə hesablanan siyasəti sayəsində Ağdam yenidən Azərbaycanın ən zəngin, mədəniyyətin, aqrar sənayenin, kənd təəsrrüfatının gur inkişaf etdiyi rayonlarından birinə çevriləcək. Məğrur, Qalib Prezidentimiz İlham Əliyevin rəhbərliyi ilə siyasi, strateji, eyni zamanda, çox böyük mənəvi məna daşıyan Qarabağımız başdan-başa gülüstana çevriləcək.
Ağdamda çəkilmiş fotolardan şəhərin tamamilə dağıdıldığı açıq-aşkar görünür.
Yenisabah.az xəbər verir ki, şəhərdə mövcud olan bütün binalar dağıdılıb, tarixi-mədəni abidələr tamamilə məhv edilib. Ermənistan silahlı qüvvələrinin vandallığı nəticəsində indi şəhər xarabalığı xatırladır. 
Qeyd edək ki, Azərbaycan, Rusiya və Ermənistan arasında imzalanmış Bəyanata əsasən Ağdam noyabrın 20-də Azərbaycana təhvil verilib.
Trend-ə istinadla Ağdamın indiki vəziyyətini əks etdirən fotoları təqdim edirik:

Видео Yekun xəbərlər 21.11.2020 (Xəbər Saatı) Qarabağla bağlı SENSASİON XƏBƏR! канала Musa Media