Ranjish hi Sahi ghazal by Ahmad Faraz I Rafaqat Ali Khan I Jashn-e-Rekhta 2016

Ranjish hi Sahi - Rafaqat Ali Khan at Jashn-e-Rekhta 2016

ranjish hi sahi dil hi dukhane ke liye aa
aa phir se mujhe chhoD ke jaane ke liye aa

kuchh to mere pindar-e-mohabbat ka bharam rakh
tu bhi to kabhi mujh ko manane ke liye aa

pahle se marasim na sahi phir bhi kabhi to
rasm-o-rah-e-duniya hi nibhane ke liye aa

kis kis ko bataenge judai ka sabab hum
tu mujh se KHafa hai to zamane ke liye aa

ek umr se hun lazzat-e-girya se bhi mahrum
ai rahat-e-jaan mujh ko rulane ke liye aa

ab tak dil-e-KHush-fahm ko tujh se hain ummiden
ye aaKHiri shamen bhi bujhane ke liye aa

Facebook: https://www.facebook.com/Rekhtaforum
Twitter: https://twitter.com/Rekhta

Rekhta Youtube Channel: https://www.youtube.com/rekhtashayari

Jashn-e-Rekhta Youtube Channel: https://www.youtube.com/c/jashnerekhtaofficial #JashneRekhta #BiggestUrduFestival #CultureCelebration

Видео Ranjish hi Sahi ghazal by Ahmad Faraz I Rafaqat Ali Khan I Jashn-e-Rekhta 2016 канала Jashn-e-Rekhta