Маҳмуд Ражаб телефони рўйҳатидагилар терговга чақирилди

Қорақалпоғистон ИИВ тергов бошқармаси маҳаллий ҳуқуқ фаоли Азимбой Отаниёзов шунингдек унинг қизи ва аёлини 7 сентябр куни шоир Маҳмуд Ражаб иши юзасидан гувоҳ сифатида тергов қилди.

А. Отаниёзов: "Не гап десам шу Хоразмдаги очилган иш бўйича гувох сифатида чақирилаяпсиз. Бўпти борамиз фақат чақирув қоғози юборинг, дедим".

Азимбой Отаниёзовнинг "Элтуз"га билдиришича, аввалига 5 сентябр куни Раҳим исмли, кейин Алишер исмли терроризмга қарши кураш бўлими ходимлари оғзаки тарзда унинг терговга келишни талаб қилишган, кейин эса чопар юборилган.

А. Отаниёзов: Шу куни тушки 10 лар чамаси домкомнинг чопари келди. Ёш бола "чақираяпти" деди. Арслонбек деган учасктковой юборди деди"

Отаниёзов астойдил талаб қилганидан кейингина 6 сентябр куни тунда чақирув қоғози олганини айтади.

А. Отаниёзов: Кечаси тунда бериб кетишда повесткани менга, аёлимга ва Насиба деган қизимга.

Терговга нима учун аёли ва қизи чақирилгани сабабини Отаниёзов айнан уларга тегишли симкарталардан Хоразмлик шоир Маҳмуд Ражабга оид алоқа контактлари чиққани билан изоҳлайди.

"Ҳақиқатан ҳам сизнинг симкартангизми? Ўзингиз фойдаландингизми? Қанча вақт фойдаландингиз? сингари саволлар берилди аёлимга. Менга берилган саволлар энди кўпроқ. Қандай муносабатдасиз? Қандай алоқаларингиз бор? Маҳмуд Ражабнинг китоб олиб ўтганидан хабарингиз борми? Мен айтдим пахтачилик соҳасида мониторинг ўтказамиз. Маҳмуднинг ҳам менинг ҳам ишимиз шу. Семинарда танишганмиз."

Ҳуқуқ фаоли Муҳаммад Солиҳ китобларини чегарадан олиб ўтган хоразмлик шоир Маҳмуд Ражаб ишидан ташқари, "Бу кунлар" романи учун Ўзбекистонда таъқибга олинган ёзувчи Нурилла Отахонов (Муҳаммад Рауфхон) иши бўйича ҳам уни сўроқ қилишганини айтади.

"Муҳаммад Рауфхонни ҳам бу ерда диссидент қилиб кўрсатиб, ўша бўйича ҳам айбламоқчи бўлаяптида. Мантиқсизликни қаранг! Ташқаридан электрон китоб олиб кириб тарқатганидан хабарингиз борми? деган саволга мен, "Электрон китоб олиб кирилмайди, у хохлаган жойдан интернет орқали тортиб олинади. У бўйича айблаш мантиқсиз, чунки Муҳаммад Рауфхоннинг ўзи очиқ Тошкентда яшаяпти. Китобини хоҳлаган одам олиб ўқияпти. Менам Интернетдан олиб ўқийман", дедим"

Бундан ташқари Отаниёзов шу куни пахта мониторингги билан шуғулланган яна бир ҳуқуқ фаоли ҳам терговга чақирилганини билдиради.
"Фарғоналик Шарифа Мадраҳимовани ҳам ўша куни чақиришибди телефон орқали. Шарифанинг менга берган саволлари бор экан телеграмда.

"Мениям чақираяпти, нима сўрайди, нима қўяди?" деб. "Махмуднинг телефон рўйхатида бор одамлар чақирилаётган экан. Гувоҳ сифатида борасиз. Аммо повесткани (чақирув қоғози)ни талаб қилинг. Бусиз бормасликка ҳаққингиз бор, дедим"

Жорий йилнинг 10 май куни шоир Маҳмуд Ражабнинг уйида ИИБ ходимлари тинтув ўтказгани, кейинчалик Миллий Университет домлаларидан иборат эксперт гуруҳи бу китобларни қоралаб хулоса беришгани, экспертиза хулосасидан норози бўлган Маҳмуд Ражабнинг илтимосномаси рад этилгани, ундан аввал эса чегарада Маҳмуд Ражабнинг ёнидан Муҳаммад Солиҳ китоблари чиққани ҳақида “Элтуз” хабар берган эди.

Видео Маҳмуд Ражаб телефони рўйҳатидагилар терговга чақирилди канала El Tuz