ԲԱՔՎԻ ՈւԶԱԾԸ ՉԻ ԼԻՆԻ․ Ալիեվը շանտաժ է անում, գործում է Մոսկվայի դեմ․ Ի՞նչ անի Հայաստանը

Ռուսաստանցի վերլուծաբան Ստանիսլավ Տարասովի խոսքով`քանի դեռ ԼՂ հակամարտության յուրաքանչյուր կողմ պնդում է իր ցանկությունները, ստատուս քվոն կմնա նույնը: Նա Tert.am-ի հետ զրույցում, անդրադառնալով Ադրբեջանի նախագահ Իլհամ Ալիևի հայտարարություններին առ այն, որ բանակցություններ չկան և Հայաստանի իշխանությունն է մեղավոր, նկատեց՝ Բաքվին ավելի են ձեռնտու բանակցությունները, բայց նա չի կարողանում գնալ փոխզիջումների:
«Երկու կողմն էլ մեղավոր են, որ բանակցություններ չեն լինում, քանի որ յուրաքնչյուրն իրենն է պնդում, փոխզիջում չկա»,- ասաց նա:
Անդրադառնալով այն քննարկումներին, ըստ որոնց՝ Ալիևը նման հայտարարություններով պարզապես սպառնում է, ուզում է հիմնախնդիրը ռազմական ճանապարհով լուծել, Տարասովը նշեց, որ իր տպավորությամբ` պատերազմի որևէ նախապայման չկա: «Կլինեն սպառնալիքներ, շանտաժ, թուրքական ոճ է. հասնում են «կարմիր գծերին», հետո հետ են կանգնում: Թուրքիան այդպես է վարվում հիմա Արևելյան Միջերկրականում, սպառնում է Հունաստանին, Ֆրանսիային, բայց դրանք իրականության չեն վերածվելու: Այս դեպքում էլ մեծամասշտաբ պատերազմի նախապայման չկա»,- ասաց նա` չբացառելով սահմաններում լարվածության աճը:
Ինչ վերաբերում է այս պահին ԼՂ հակամարտության կարգավորման գործընթացում Ռուսաստանի ցանկություններին, ապա ըստ Ստանիսլավ Տարասովի՝ իրենք մնում են հին օրակարգին, որը կար Ադրբեջանի նախկին արտգործնախարար Մամեդյարովի ժամանակ: «Հիմա նոր արտգործնախարարը ցանկանում է նոր կոնցեպտներ ներմուծել, Թուրքիայի հետ են ալյանս կազմում»,- ասաց նա` նշելով, որ իր կարծիքով` Թուրքիայի հետ այս հարցում համագործակցելով`Ադրբեջանը մեծ սխալ է անում, հեռանում է հիմնախնդրի լուծումից:

Նյութի աղբյուր՝ tert.am, factor.am

#lurerhayastanic #erdoxanaliev #arcaxbanakcutyunner

Видео ԲԱՔՎԻ ՈւԶԱԾԸ ՉԻ ԼԻՆԻ․ Ալիեվը շանտաժ է անում, գործում է Մոսկվայի դեմ․ Ի՞նչ անի Հայաստանը канала Banber News