Ертіс өңіріндегі Қоңыр әулие үңгірінің пайда болу тарихы – шешілмеген жұмбақ

Павлодар облысында киелі мекендердің картасы жасалады. Қазір археологиялық экспедициялар Баянауыл ауданында қазба жұмыстарын жүргізіп жатыр. Келешекте ол жерде аспан астындағы музей ашылады. Ал Торайғыр көлінің маңында ғылыми-зерттеу орталығының бөлімшесі құрылады.

Мұртты қорған. Бұл ескерткіштің құндылығы Ұлыбританиядағы әлемге әйгілі «Стоунхендж» киелі орнымен пара-пар. Тарихшылардың айтуынша, қорған кельт обсерваториясынан бұрын пайда болған. 2,5 мың жылдық тарихы бар.

Елена Тушева, Margulan Centre ғылыми орталығының қызметкері:

-Баянауыл – қасиетті өлке. Әр тау-тасы – тұнып тұрған тарих. Біз қола дәуіріне жататын қорымды зерттедік. Молалар қола балқытудың әдіс-тәсілдерін меңгерген алғашқы металлургтерге тиесілі.

Әулиетас немесе Қоңыр әулие. Баянауыл тауының батыс жағындағы Аққарағай тауының етегінде орналасқан үңгірдің қалай пайда болғаны – бір жұмбақ. Аңыз бойынша үңгірдің тарихы Нұх Пайғамбар заманынан бастау алады. Бұл жерге дертіне дауа іздеп келетіндер көп.

Видео Ертіс өңіріндегі Қоңыр әулие үңгірінің пайда болу тарихы – шешілмеген жұмбақ канала Khabar NEWS