Дзæуджыхъæу æмæ Бердск суыдзысты æфсымæрон горæттæ

Дзæуджыхъæу æмæ Бердск суыдзысты æфсымæрон горæттæ. Цæгат Ирыстон æмæ Новосибирскы облæсты æмархайды фарстатыл æрдзырдтой æххæстбарджын минæвар Дзанайты Барис, Сыбыры федералон зылды цæгатирыстойнаг минæвар Мæхъиты Отар æмæ Новосибирскы филармонийы рæзты хайады разамонæг Владимир Миллер.

Дзанайты Барис стыр аргъ скодта нæ сыбираг минæварады нысаниуæг æмæ ахадындзинадæн. Зæрдæ бавæрдта æххуысæй æмæ æмгуыст кæнынæй. Регионтæн баст сты кæрæдзиуыл. Сæйраг хъайтар уыцы хыгъды – Пётр Барбашов.

Йæ хъæбатырдзинад Цæгат Ирыстоны абон дæр рох нæу. Дзæуджыхъæуы йæ номыл ис уынг, Уæлахизы 75 азы бонмæ сног кодтой йæ номыл мемориал дæр. Бæрнон кусджытæ фæнд кæнынц Дзæуджыхъæу æмæ Новосибирскы `хсæн культурæйы бонтæ саразын. Майы та Сыбыры минæвæрттæ цæттæ сты Ирыстонмæ ссæуынмæ. Бацархайдзысты Уæлахизы бонимæ баст кадджын мадзæлтты. Дыууæ регионы патриотон хъомылады центртæ бафыстой æмгуыстады бадзырдтæ. Новосибирскы фæсивæд уыдысты Цæгат Ирыстоны агурæн-сгарæн куыстытæ кæнынмæ. Ахæм хъæппæрис уыдзæн æрвылазон. Уымæй уæлдай ма, гæнæн ис, æмæ Новосибирскы артисттæн Дзæуджыхъæуы филармонийы уыдзæн концерт. Культурæйæ уæлдай дыууæ регионы æмгуыст кæндзысты экономикæ æмæ промышленносты къабæзты дæр.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv

Видео Дзæуджыхъæу æмæ Бердск суыдзысты æфсымæрон горæттæ канала iRYSTON TV