ԱԼԻԵՎԸ ՍՏԱԽՈՍ Է․ Եթե ռմբակոծում են Ստեփանակերտը՝ պետք է Բաքուն ռմբակոծվի. Ի՞նչ հող, դրանք հող չունեն

«Սա Հայրենական մեծ պատերազմ է, մինչև վերջ պետք է կանգուն լինենք ու փրկենք մեր հայրենիքը»,-«Առաջին լրատվական»-ի հետ զրույցում նման տեսակետ հայտնեց 1992-1995թթ. ՀՀ ՊՆ գլխավոր շտաբի պետ, 1993թ. պաշտպանության նախարարի պաշտոնակատար, Արցախյան պատերազմի հերոս, գեներալ-լեյտենանտ Նորատ Տեր-Գրիգորյանցը։
Խոսելով խաղաղ կարգավորման հնարավորությունների մասին՝ մեր զրուցակիցը մեջբերեց ԱՄՆ-ի, Ֆրանսիայի, ՌԴ նախագահների համատեղ կոչը և նշեց՝ թուրքական կողմն այն չի կատարում. «Ադրբեջանի նախագահը մշտապես բղավում էր, թե հայերը ինչ-որ բանաձևեր են խախտում, բայց ինքն է հրադադարն ու պայմանավորվածությունները ամենամեծ խախտողը։ Դժվար է խոսել խաղաղ կարգավորման մասին, որովհետև Թուրքիան ոչ մի կոչի չի հետևում ու նպատակ ունի բնաջնջել հայությանը։ Այս ամենը միանշանակ Ռուսաստանի դեմ է արվում»։
Նորատ Տեր-Գրիգորյանցն անդրադարձավ ՌԴ նախագահ Վլադիմիր Պուտինի հայտարարություններին և նշեց. «Իր հարցազրույցում նա ասաց, որ եթե Հայաստանի տարածքում պատերազմ լինի, իրենք ՀԱՊԿ-ի շրջանակներում ստանձնած պարտավորությունները կկատարեն։ Հիմա ստացվում է՝ Ղարաբաղը մեկուսացած է, ոչ ոք չի աջակցում՝ բացի Հայաստանի ռազմատեխնիկական ոլորտում աջակցությունից։ Այս պատերազմը հսկայական նշանակություն ունի բոլոր պետությունների համար։ Ադրբեջանը իրեն խաղաղարարի տեղ է դրել, բայց վարում է պանթուրքիստական քաղաքականություն, իր քաղաքացիներին տրամադրում է Հայաստանի դեմ, նույնիսկ նրանց, ովքեր ապրում են Ռուսաստանում։ Փորձ է արվում ներսից քանդել Ռուսաստանը, տվյալ դեպքում՝ իմ հայրենիքը։ Միևնույն ժամանակ Ալիևը շատ ընկերաբար է իրեն ներկայացնում Պուտինի ու ՌԴ-ի հանդեպ, բայց նա կեղծում է, նրան լսել չի կարելի, նա բարձր կարգի ստախոս է»։

Նյութի աղբյուր՝ 1in.am

#lurerhayastanic #arcaxpaterazm #erdoxanaliev #verjinlurer #ayspahinsahmani #norattergrigoryanc
#iravijaknsahmanin #stepanakert

Видео ԱԼԻԵՎԸ ՍՏԱԽՈՍ Է․ Եթե ռմբակոծում են Ստեփանակերտը՝ պետք է Բաքուն ռմբակոծվի. Ի՞նչ հող, դրանք հող չունեն канала Banber News