Ақмола облысындағы мектеп күзетшілері жалақыларын даулап наразылыққа шықты

Ақмола облысындағы мектептерді күзеткен қырыққа жуық қызметкер жалақыларын даулап наразылыққа шықты. Білім ошағының қауіпсіздігіне қарайтын "Сигнал секьюрити Астана» компаниясы, былтырғы қарашадан бері бір тиын да жалақы бермеді дейді азаматтар. Одан қалды, міндетті әлеуметтік төлемдерді де жүргізбеген екен. Ал бұл ақпаратты жоққа шығарған серіктестік өкілдері, керісінше күзетшілердің өздерін сотқа бермек.
Күзетшілердің айтуынша, «Сигнал секьюрити Астана» компаниясы осында жиналғандардың әрқайсысына айына 70 мың теңге еңбекақы төлейтін болған. Кейбірінің қолдарында мұны растайтын келісімшарттары да бар. Алайда, жұмысшылардың бірқатары үш айдан бері компания еңбек шартын бұзып, жалақы төлемеді дейді. Ал қалған күзетшілер тіпті қарашадан бері көк тиын алмағандарын айтты.
ҚУАНЫШ ӨМІРБЕК, күзетші:
– Жарты жылда пенсионкаға бір тиын да түскен жоқ. Нұр Отанға да, акиматтар да барлығы біледі. Кейбірі айтады. Ищите сами. Өздерің тауып алыңдар дейді. Біз сонда қайда барамыз?
РИЗАБЕК ӘЛІМОВ, күзетші:
– Отчисление қарасақ түгі жоқ. Не пенсионный, не страховой жоқ. Содан звондадық. Әне төлеймін, міне төлеймін. Бір жұма, үш-төрт күн дейді. Ноябрдікін алған жоқпын. Сосын январь, февраль міне төлеген жоқ.
Қазір бұл азаматтар күзеткен мектептерге басқа компания қызмет көрсетеді екен. Ал Бурабай аудандық білім бөлімі тендердегі келісімшарт бойынша "Сигнал секьюрити Астана" күзет компаниясына қаражат толық төленді дейді.
ЖІБЕК МҰХАМЕДЖАНОВА, Бурабай аудандық білім беру бөлімінің заңгері:
– Жұмысшылар алдындағы қарызы туралы бірнеше рет ескерту үлгісі бойынша өтініш жолдадық. Алайда мардымды жауап ала алмадық. Фирма жекеменшік болғандықтан, оның жұмысына да араласа алмаймыз.
Ал «Сигнал секюрити Астана» компаниясының басшысы қызметкерлердің айтқанымен келіспейді.
ГАЛИНА БАТАЛОВА, «Сигнал Секьюрити Астана» ЖШС директоры:
– 1-2 адамның жалақы алмағаны рас. Ал, қалғаны түгел алды. Өзгелері өтірік айтып отыр. Мен Қарағанды қаласында жүрмін. Келген соң оларды өзім сотқа беремін.
Білім беру мекемелерінде әскерилендірілген күзет қызметін ұйымдастыру жүйесі соңғы екі жылда енгізілілген еді. Бірақ күзет қызметін ұйымдастырушы ұйымды қадағалаушы бірде бір орган жоқ екен.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Ақмола облысындағы мектеп күзетшілері жалақыларын даулап наразылыққа шықты канала Информбюро 31