РТдан ваъз: Милтиқ тепкисини ким босади?

“Straus House” муассиси одамларга туяқуш олиб бераман деб одамлардан алдаб олган пулини тимсох сотиб олиш учун сарфлабди. Аммо на тимсохдан ва на туяқушдан дарак бор. Туяқуш кўрдингми йўқ.

Аҳмадбой эса қамоқдан чиқарсангиз ишлаб одамлардан ўмарган пулимни қайтараман деди. 12 миллион доллар пулни мол боқиб сўйиб сотиб топаман деди пирамидачи бой ота. Биз ишондик, аммо судя ишонмади.

Ўзбекистон ҳукуматининг ўзи ҳам ўтканнинг ўроғини, кетганнинг кетмонини. хорижга чиқаëтган созанданинг чолғусини олиб қўядиган муттаҳамга айланди. 3 март куни Тошкент аэропортида Ўзбекистонлик созанда Дилшод Назаровнинг виоленчелини божхоначилар олиб йўйди. Дилшод Назаров қатор халқаро мукофотлар лауреати, Париж олий консерваториясини битказган илк ўзбекистонликдир.

Мавзуни шу каби маҳаллий ва чет эл хабарларидан сўнг давом эттирамиз.

Маҳаллий хабарлар

Йиғилиш қатнашчиларини уят гаплар билан сўккан Миришкор тумани ҳокими Бахтиёр Ражабов 4 март куни ишдан бўшатилди. Уни фермерларни сувга бўктиргани билан танилган Қашқадарё ҳокими Зойир Мирзаев бўшатди.

3 март куни Бухоро вилояти Олот туманига Наргиза Неъматова ҳоким этиб тайинланди. Лекин, фермерни калтаклагани билан танилган Олотнинг собиқ ҳокими Шерали Саломов узоққа кетгани йўқ. У Бухоронинг Қоракўл туманига ҳоким қилиб тайинланди.

4 март куни Ўзбекистон мудофаа вазирлигининг "Ватанпарвар" газетаси мухбири Россия фойдасига жосуслик қилганликда айбланиб 12 йилга қамалди.

Чет эл хабарлари

Асли касби тиш доктори бўлган Туркманистон президенти Қурбонгуни Бердимухаммедов ўзининг Олмос лақабли отини Короновирусдан даволади. Бу ҳақда Туркманистон Соғлиқни сақлаш вазирлиги хабар берди. Орқадоғга шарафлар айтилаётган шу пайтга келиб дунёда Короновирусдан ўлганлар сони расмий маълумотга кўра дунё бўйлаб 3 254 нафарга етди.

Видео РТдан ваъз: Милтиқ тепкисини ким босади? канала El Tuz