Маусымдық жұмыстарда істейтін жұмыскерлер қалай сақтандырылады?

Маусымдық жұмыскерлер еңбек келісімшартын белгілі бір кезеңге ғана бекітеді. Мұндай жұмыстарға көктемгі-күзгі егіс науқаны, көшелерді қардан тазарту, балық аулау сынды тағы да басқа қызмет түрлері жатады.
Келісімшарт бар кезде оларды жұмыс беруші сақтандырады және жалақысынан тиісті жарнаны ұстап Қорға аударып отырады. Сол арқылы олар сақтандыру пакетіндегі қызметтерді толық пайдалануға мүмкіндік алады.
Ал, жұмыс тоқтаған кезде аталған санаттағы азаматтар өзін-өзі сақтандыруды ұмытпағаны жөн. Олар алдағы уақытта медициналық көмекті үздіксіз пайдалану үшін әр айға 2125 теңгеден төлеп отыруы тиіс.

Жарнаны банктердің мобильді қосымшалары, екінші деңгейлі банктер мен «Қазпошта» кассалары арқылы төлеуге болады. Банктердің тәртібі бойынша төлем 3 күн өңделеді.

Видео Маусымдық жұмыстарда істейтін жұмыскерлер қалай сақтандырылады? канала ОСМС в Казахстане