Жұмақ пен Тозақ - Ұстаз Қабылбек Әліпбайұлы / Уағыз 2021

Кабылбек Алипбайулы — Жумак пен тозак
Ұстаз Қабылбек Әліпбайұлының Жұмақ пен тозақ керемет уағызын тыңдайық!

Құрметті, бауырлар!
Қазақ тілінде уағыздар ұсынатын боламыз, КАНАЛЫМЫЗҒА ЖАЗЫЛЫП, ЛАЙК басып, әрі жақсы ПІКІР қалдырып отырайық.
--------------------------------------------------------------------------------------------------------------------
Өлім – Алла Тағала тарапынан адамзатқа жіберілетін ұлы хабар, адамның жер бетіндегі бар беделін буатын құбылыс. Оған әр адам өзінің болмысымен, жолының жетегімен, қатпарланған белестерімен, там – тұм дүниелік сағатымен жетеді. Ал, құпиясын білу мүмкіндігі ешкімге берілмеген. Өйткені, өлімнің белгіленген мерзімі, арнайы заңы жоқ. Себебі, әркімді кенеттен, ойламаған жерден, қас – қағым, бір демде Өлім періштесі тосуы мүмкін. Ол періштелерді Мәләкүл – Мәут, ал басшысын Әзірейіл дейді. Ол Жаратушыға тәуелді, әмір күтеді, уақытында келеді, міндетін орындайды. Адам баласының көзіне ол бір – ақ рет көрінеді. Яғни кімде – кім өлім періштелерін көрсе, өмірлік уақытының біткені. Содан болар, адамзат өлім періштесін жауыз санап, атауынан шошиды. Кейбір қазада «Сұм ажал» деп өлімді «Жалмаған қара жер» деп, табан тіреген жеріне қарғанып жатады. Негізі, бұл қателік. Түптің түбінде ажал сол адамның жанына келеді. Сол жерге өзі жатқанда, қарғысы жанын ащы, жерін қатты етуі мүмкін.

Өлім – екі әлем арасындағы шекара. Ол хақ, одан ешкім құтыла алмайды. Өмір бар жерде өлім бар. Алла Тағала:

«Әрбір жан (періште, адам, жын, жан – жануар) өлімді татады...» («Әнбия» сүресі, 35 – аят) деген Құран Кәрім арқылы суық ащы шындықты жеткізеді.

Біле жүр!

Ақылдан адасқандардың,

Ажалдан адаспайтынын.

Тақ үшін таласқандардың,

Табытқа таласпайтынын – деген қазақ «Тақ пен табыттың иесі болмайды» дегенді біліп айтады. Ертелі – кеште дүниені дүбірлеткен небір – небір хас батырлар, елді билеп төстеген хандар мен патшалар, өткір тілді би шешендер, қайтпас қара табан құлдар, дәулеті тасыған бай, жарымаған тақыр кедей, ер мен әйел, жас пен кәрі өлім тықырымен дүние шекарасынан өтеді. Атамыз қазақ «Әдірем қалған дүние» деп, бекер сөйлемеген. Бір ғанибеті, өлім жанына келіп жантаймайынша, бір жұтым ауа жұтуға ғана қабілеті бар адамзат оны мойындағысы жоқ.

Мәселен, сауап және сый, төлем мен жаза болмаса, «күнә», «айып», «зұлымдық» атауларының мәні жоғалады. Сол сияқты, өлім болмаса, өмір қадірін, дүние құнын, бір күндік уақытты еш пенде білмей өтеді. Адам өлімнен қорқып, өзін жеңер. Алайда, өлімнен емес, бірінші Алладан, екінші Тозақ отынан қорыққаны жөн. Қазіргілер «Ана дүниеге өткенде, Аллаға не айтам?» дейді. Көзімен көрмеген, қолымен ұстамаған, санасына сыймайтын Жаратқанның құпия әлеміне өту көпірден өткен емес. Ол жаққа ақыл мен парасаттағы зор иман қажет! Ол сенімдегі жеті парыздың жетіншісі яғни қайта тірілуге иман келтіру. Ендеше, бұл өмірдің мәні өлімде. Оған құрметпен қарау қажет. «Бұл өмірде адамдардың бәрі бақытты, бірақ өздері білмейді» дегенге қанаттанған ақынның

Бақыттың кілтін Алла жасырып қойған:

Біреулер оны базардан іздейді,

Біреулер мазардан іздейді,

Мүміндер оны намаздан іздейді – деген баламалы ұлағаты бар. Әбу Хурайра (оған Алла разы болсын) дүниеден өтерінде: «Өмір сүріп, азық жинадым. Азығым амал, жүретін сапарым ұзақ. Сол азығымның қай жерде аяқталатынын білмеймін. Ол не тозақ не жәннет болады» дегені бар.

Жұмақ пен Тозақ – Алла Тағаланың патшалығында Қиямет күнді күтетін мекендер. Бұлар Жаратушы хикметі, адамзаттың үміті пен үрейі. Олардың хақтығын Құран Кәрім қасиетіндегі керемет аяттар айқын дәлелдейді. Бұл мекендердің барына сенбегендер Алланы танымағандар. Бұл мекендер ғайып болмайды, ешқашан жоғалмайды, мәңгілігін тоқтатпайды.

--------------------------------------------------------------------------------------------------------------------

💢Каналдың дамуына, керек техникаларды алуға көмек көрсетемін десеңіздер 👇👇👇
💳Kaspi Gold: 5169 4971 5475 3556 - Қадір.
Алла әрбір берген тиын үшін сауаптарды еселеп жазсын, Әмин!

--------------------------------------------------------------------------------------------------------------------
Каналымыздағы басқа да ұстаздардың пайдалы уағыздарын көру үшін 👇👇👇
https://www.youtube.com/channel/UCx9TlIDASW7KSXTmNRjsq7g/playlists

Қабылбек Әліпбайұлы уағыздары - https://www.youtube.com/watch?v=9VtB4Is3Xjc&list=PLV7xHQFfEi_ICB8Ppqtyj7KSORnfrGljA

Ерлан Ақатаев уағыздары - https://www.youtube.com/watch?v=-JzRFupJ3N4&list=PLV7xHQFfEi_Izf4jeEmKfy8FqIo6jI7ZI

Арман Қуанышбаев уағыздары - https://www.youtube.com/watch?v=PZgzfP9za1Y&list=PLV7xHQFfEi_L6onBVLNuxR3ecG9QUcMuK

Ерсін Әміре уағыздары - https://www.youtube.com/watch?v=dmEO27dTK0E&list=PLV7xHQFfEi_Ko9lKfAXHC1s1CC5onJEq6
--------------------------------------------------------------------------------------------------------------------
Құрметті мұсылман қауым! Қандай да бір сұрақтарыңыз пайда болса https://www.muftyat.kz​​ http://muslim.kz​​ http://fatua.kz​​ сайтына сұрақ қойыңыздар, өтініш.

Видео Жұмақ пен Тозақ - Ұстаз Қабылбек Әліпбайұлы / Уағыз 2021 канала UAGYZ QAZAQ