განმუხურში ცემენ რუსებს 30 ოქტ 2007

განმუხურის პატრიოტთა ბანაკში პრეზიდენტი მიხეილ სააკაშვილი ინციდენტიდან დაახლოებით საათნახევარში ჩავიდა. პრეზიდენტს ახლდნენ თავდაცვის და შინაგან საქმეთა მინისტრები.
იმ დროისთვის ვითარება გამწვავებული იყო. შეიარაღებული რუსი და ქართველი ჯარისკაცები ერთმანეთის პირისპირ იდგნენ.

რუსი სამშვიდობოები სააკაშვილისა და ქართველი სამართალდამცავების შეშვებას ბანაკის მიმდებარე ტერიტორიაზე არ აპირებდნენ, თუმცა ისინი, წინააღმდეგობის მიუხედავად, მაინც შევიდნენ.

პრეზიდენტმა რუსი სამშვიდობოების პოლკოვნიკს კატეგორიულად მოსთხოვა ტერიტორიის დატოვება და ჯავშანტექნიკის გაყვანა.

შეხლა-შემოხლა რუს და ქართველ სამართალდამცავებს შორის მაშინ მოხდა, რაც რუსმა სამშვიდობოებმა პრეზიდენტი და მისი დაცვის წევრები ავტომატური იარაღით მიზანში ამოიღეს.

ქართული მხარის წარმომადგენლებმა რუს სამშვიდობოებს მოსთხოვეს დაებრუნებინათ მათთვის წართმეული მობილური ტელეფონები და იარაღები.

ინციდენტის ერთ-ერთ მიზეზად ისიც იქცა, რომ რუსი მშვიდობისმყოფელი, რომელიც იარაღმომარჯვებული იდგა, უარს აცხადებდა განიარაღებაზე, მაშინ, როდესაც მის ახლომახლოს პრეზიდენტი იმყოფებოდა.

Видео განმუხურში ცემენ რუსებს 30 ოქტ 2007 канала ბესარიონ გუგუშვილი