Baki - Shamaxi magistrali baglanib

Abone OL: https://goo.gl/W99fFm

Copyright © ARB Şəki

Sayt: https://goo.gl/NfKDu5
Facebook: https://goo.gl/XVhVzG
Ötən gecədən başlayaraq yağan güclü qar paytaxtdan şimal-qərb istiqamətində hərəkəti iflic edib. Bakı-Şamaxı, Muğanlı-İsmayıllı yollarında sürücülər çətin anlar yaşayıb, bəzi istiqamətlərdə yollar tamamilə bağlanıb.
Bakı-Şamaxı magistralında Qobustan rayonu ərazisindən keçən hissəsində baş verən çovğun və buzlaşma nəticəsində çoxlu sayda avtomobil yolda qalıb. Güclü küləyin dağlardan gətirdiyi qar yolun hərəkət hissəsini tamamilə örtüb, buzun üstündə sürüşən avtomobillərin hərəkəti dayanıb. Ərazidə xidmət aparan Baş Dövlət Yol Polisi İdarəsinin yol patrul xidmətinin əməkdaşları qəzaların baş verməməsi üçün magistralın Qobustanın Nərimankənd kəndi və Şamaxı şəhəri ərazisindən keçən hissələrində postlar quraraq yolu bağlayıb, nəqliyyat vasitələrinin hərəkəti dayandırılıb. Əraziyə yol istismar idarəsinin texnikaları və canlı qüvvəsi cəlb edilib. Lakin çovğun səbəbindən magistral yolun böyük hissəsini qar və buzdan təmizləmək mümkün olmadığı üçün nəqliyyatın hərəkəti hələlik mümkün deyil. Aidiyyatı qurumlar hərəkətin bərpası üçün işləri davam etdirir. Oxşar vəziyyət İsmayıllı - Muğanlı, Qaraməryəm-İsmayıllı-Şəki magistralında da yaşanır. Hazırda da yağmağa davam edən qar səbəbindən yollarda hərəkət xeyli çətinləşib. Avtomobilləri qış şinləri ilə təchiz olunmayan nəqliyyat vasitələri yolda qalıb. DYP qarlı hava şəraitində və buzlu yollarda avtomobili idarə etmək bacarığı olmayanları qeyd olunan istiqamətlərdə hərəkət etməməyə çağırıb. Qalınlığı 10-15 santimetrə çatan qar yağmaqda davam edir. Gecə saatlarına doğru isə yolların buz bağlayacağı gözlənilir.
#ARBŞəki #qarlıyollar

Видео Baki - Shamaxi magistrali baglanib канала Kanal S_official