Ақтөбелік Сырлыбаевтар әулетінің тіршілігі теміржол торабымен біте қайнасқан

Ақтөбелік Сырлыбаевтар әулетінің тіршілігі теміржол торабымен біте қайнасқан. Ортақ кәсіп атадан балаға мирас болып келе жатқан отбасының бұл саладағы жалпы еңбек өтілі - 337 жыл. Экономикамыздың күре тамыры саналатын теміржолда қазір әулеттің үшінші буыны еңбек етуде. Теміржолшылар династиясымен өңірдегі тілшіміз тілдесіп қайтты.
Ақтөбедегі Сырлыбаевтар отбасының әрбір мүшесі теміржол саласында қызмет етіп келеді. Әулеттің үлкені жасы жетпістен асқан Қаналы Жаналыұлы. Ол әке кәсібін жалғастырып, 45 жыл шойын жолда тер төккен. Бала кезінен теміржолдың бойында өскен ақсақал алғашқы еңбек жолын Шалқар локоматив жөндеу депосында бастаған екен.
ҚАНАЛЫ ЖАНАЛЫҰЛЫ, Ақтөбе қаласының тұрғыны:
– Әкеміздің ізін қуып бәріміз де теміржолшы болдық. Әр саласында бірақ. Мен осында машинст болдым. Слесардан бастап начальник депоға дейін көтерілдім. Локомотив депосының бастығы болдым.
Қаналы ақсақалдың әкесі марқұм Жаналы Сырлыбаев - Шалқар өңірінде теміржол торабының дамуына үлес қосқан адам. Еңбек жолын 14 жасында депода от жағушы болып бастап, кейін алғашқы локомотив машинистері қатарында қызмет атқарды. Зайыбы Балжан екеуі төрт ұл, бес қыз тәрбиелеп өсірген. Бүгінде сол балаларының барлығы әке ізін қуған. Тіпті олардан тараған немерелері де мамандығын теміржол саласымен байланыстырыпты.
ТӨЛЕГЕН ҚАНАЛЫҰЛЫ, Ақтөбе қаласының тұрғыны:
– 2006 жылы жылы жоғары оқу орнын аяқтап теміржол саласына жұмысқа келдім. Өзім, аталарым, әкем, әкемнің інілері, қарындастары теміржол саласында еңбек етіп келе жатыр. Осы мекемеге ауысқалы екі ай болды.
Қаналы ақсақалдың Төлегеннен бөлек екі қызы да әкесінің ізін қуып, осы саладан нанын тауып жүр. Зайыбы Зейнептің де жұмысы теміржол саласынан алыс емес.
ҚАНАЛЫ ЖАНАЛЫҰЛЫ, Ақтөбе қаласының тұрғыны:
– Қай саласында істесең де теміржолдың бәрі де қиын. Жауапкершілікпен қару керек. Жауапкершілікпен қарамасаң ақау келтіреді, адам өлімінен құдай сақтасын, ондай болмасын. Сол себепті біздің кезімізде жұмысқа алғанда ата тегіне қарап алатын еді. Мына баланың әкесі машинист ертең қиыншылық болса кетпейді теміржолдан деп.
Темірдей тәртіпке бағынып, ел игілігі жолында қызмет етіп келе жатқан Сырлыбаевтар отбасы еңбектің бейнеті мен зейнетін көріп, берекелі ғұмыр кешуде.

Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Ақтөбелік Сырлыбаевтар әулетінің тіршілігі теміржол торабымен біте қайнасқан канала Информбюро 31