ესპანეთის ჩემპიონატი ამერიკაში გადადის

ესპანეთის ფეხბურთის ფედერაციამ მედიაკომპანია რელევენტთან კონტრაქტი გააფორმა, რომელიც ესპანეთის ჩემპიონატის მატჩების ნაწილის შეერთებულ შტატებსა და კანადაში ჩატარებას ითვალისწინებს. კონტრაქტის ვადა 15 წელია. ამგვარად, უკვე ამ სეზონიდან, წელიწადში რამდენიმე შეხვედრა ჩრდილოეთ ამერიკაში ჩატარდება. ოფიციალურ განცხადებაში აღნიშნულია ისიც, რომ ეს შესაძლოა რეალის და ბარსელონას მონაწილოებით მატჩებიც იყოს.

მხარეები იმედს გამოთქვამენ, რომ ამ ნაბიჯით ჩრდილოეთ ამერიკაში ევროპული ფეხბურთის პოპულარობა კიდევ უფრო გაიზრდება, მით უმეტეს, რომ 2026 წელს მსოფლიოს ჩემპიონატს კონტინენტის ერთბაშად სამი სახელმწიფო - შეერთებული შტატები, კანადა და მექსიკა უმასპინძლებს.

პარალელურად ცნობილი გახდა, რომ კომპანია ფეისბუკი ესპანეთის ჩემპიონატის მატჩების ტრანსლირებას აზიის რამდენიმე ქვეყანაში სოციალური ქსელით იწყებს. მომდევნო სამი წლის განმავლობაში ლა ლიგის უკლებლივ ყველა მატჩის ფეისბუკში ყურების საშუალება ინდოეთში, ავღანეთში, ბანგლადეშში, ბუტანში, ნეპალში, მალდივებზე, შრი ლანკაში და პაკისტანში ექნებათ. ტრანსლირება უფასო იქნება.

Видео ესპანეთის ჩემპიონატი ამერიკაში გადადის канала TV Pirveli