Գուցե Հիմա հասկանաս՝ Բանտն Ինչ է, Ինչ ես Արել․ Վաղակետ Ազատված Ցմահ Ս. Գրիգորյանը՝ Քոչարյանին

«Անդրադարձի» հյուրը ցմահ ազատազրկման դատապարտված և օրերս վաղակետ ազատ արձակված Ստեփան Գրիգորյանն է, ով ճաղերի հետևում անցկացրել է 25 տարի։ Ի՞նչ է զգացել, ինչպե՞ս չի խելագարվել, ի՞նչ է զգում հիմա, ի՞նչ ծրագրեր ունի․Ստեփան Գրիգորյանը խոսում է, պատմում այդ ամենի մասին։ «Միշտ սպասում ես ինչ-որ բանի․ ժամը 10-ին հեսա գալիս են ստուգման, դրանից հետո սպասում ես դռները բացելուն, հետո՝ հեսա դռները պիտի փակեն»,-բանտում անցկացրած 25 տարիներին հիմնական զգացողությունն է փոխանցում Ստեփանը։ Նա անազատության մեջ է 1996-ից․ 97-ին դատապարտվել է մահվան, 2003-ին մահապատիժը ՀՀ նախագահի հրամանագրով փոխարինվել է ցմահ բանտարկությամբ։ Այն մեր զրուցակիցը նմանեցնում է անդուռ ու անպատուհան սենյակի, որտեղից անհնար է դուրս գալը։ Բայց Ստեփան Գրիգորյանը դուրս է եկել։ Մինչև դուրս գալը նա կարդացել բանտային գրադարանի գրքերը, Րաֆֆու բոլոր հատորները, սկսել հավատալ Աստծուն ու դարձել նոր Ստեփան։ «Երիտասարդ Ստեփանը չկա, մահապատժի է ենթարկվել, նա մահացել է։ Հիմա Ձեր առաջ նստած է 57 տարեկան Ստեփան »,-արձանագրում է։
Հաղորդման ավարտին ցմահ ազատազրկման դատապարտված Ստեփան Գրիգորյանը դիմում է մարդկանց, ովքեր չգիտեն ազատության արժեքը։
Մանրամասները՝ տեսանյութում
ANN - Armenian News Network - Համահայկական Լուրերի Ցանց
https://www.youtube.com/c/ANNmedia
@ArmenianNewsNetwork

Видео Գուցե Հիմա հասկանաս՝ Բանտն Ինչ է, Ինչ ես Արել․ Վաղակետ Ազատված Ցմահ Ս. Գրիգորյանը՝ Քոչարյանին канала Armenian News Network