भिडेवाडा राष्ट्रीय स्मारक झाला नाही तर … 11 एप्रिल नंतर तीव्र आंदोलन

इतिहासाची साक्ष देणारा पुणे येथील ऐतिहासिक "भिडे वाडा" राष्ट्रीय स्मारक व्हावे यांचा निर्णय जर येत्या 11 एप्रिल पर्यंत नाही झाला तर सरकार च्या विरोधात तीव्र आंदोलन करणार ~क्रांतिज्योती सावित्रिमाई फुले समता मंच, पुणे यांच्या अध्यक्ष सौ. अश्विनी कांबळे यांनी इशारा दिला. थोर समाजसुधारक महात्मा ज्योतिराव फुले व सावित्रीमाई फुले यांनी महाराष्ट्रात व देशात महिलांसाठी व दलित मागासवर्गीयांसाठी अनमोल असे समाज कार्य केलेले आहे.

ज्या काळात स्त्रीयांना इथल्या धर्म व्यवस्थेने शिक्षणापासून वंचित ठेवून त्यांना गुलाम केले होते. त्याकाळात महात्मा जोतिबा फुले व सावित्रीमाई फुले यांनी मुलींसाठी भारतातील पहिली शाळा पुणे येथील भिडे वाड्यात चालू करून भारतातील अखंड महिलांसाठी शिक्षणाची द्वारे खुले केली.

या घटनेला आज १७४ वर्षांचा कालावधी लोटलेला आहे. सदरचा भिडेवाडा हा अखंड भारतीय महिलासाठी शिक्षणाचे द्वार खुले करणारा मोलाचा दगड ठरलेला असून त्यांच्या अस्मितेचे प्रतिक उरलेला आहे. तरी सदरचा ऐतिहासिक भिडे वाडा राष्ट्रीय स्मारक व्हावे म्हणून क्रांतिज्योती सावित्रिमाई फुले समता मंच, पुणे यांच्या वतीने पुणे महानगरपालिका आयुक्तांना निवेदन देण्यात आले.

Видео भिडेवाडा राष्ट्रीय स्मारक झाला नाही तर … 11 एप्रिल नंतर तीव्र आंदोलन канала Jagruti News