Турон клуби мураббийи икки ўйинга четлатилди¸ президенти жаримага тортилди

Ўзбекистон Футбол Ассоциацияси Турон клуби бош мураббийи Ислом Исмоиловга интизомий чора қўллади.

Мураббий навбатдаги икки ўйиндан четлатилди.

Бунга Исмоиловнинг Сўғдиëна-Турон ўйинидан кейинги флеш интервю чоғида ҳақоратли сўзлар ишлатгани сабаб бўлди.

Исмоиловнинг иддаосича, Ўзбекистон суперлигаси 2 тури доирасида ўтказилган ўйинни бошқарган ҳакамлар нотўғри қарор чиқарган.

Уларга пул берилмагани учун Турон дарвозасига нотўғри пеналти белгиланди, деб иддао қилган эди Исмоилов.

ЎФА хабарига кўра¸ Сўғдиëна Турон ўйинини бошқарган ҳакам Виктор Серазитдинов номуайян муддатга футболдан четлатилди.

Ўз фикрларини қўпол тарзда билдиргани учун Турон клуби президенти Абдуваҳоб Аҳамадалиевга жарима солинди.

Ўзбекистонда ҳакамларнинг футбол учрашувига ëки унинг натижасига таъсир ўтказиши илк марта кузатилаëтгани йўқ.

Видео Турон клуби мураббийи икки ўйинга четлатилди¸ президенти жаримага тортилди канала Ozodlik Radiosi