William BYRD - «Tribue, Domine» / THE TALLIS SCHOLARS

Композитор - Уильям Бёрд (1540? - 1623),
«Tribue, Domine» (1575),

THE TALLIS SCHOLARS (Великобритания),
Руководитель и дирижёр - Питер Филлипс.

Tribue, Domine,
ut donec in hoc fragili corpore positus sum,
laudet te cor meum, laudet te lingua mea,
et omnia ossa mea dicant:
Domine, quis similis tui?
Tu es Deus omnipotens,
quem trinum in personis
et unum in substantia deitatis colimus et adoramus:
Patrem ingenitum,
Filium de Patre unigenitum,
Spiritum Sanctum de utroque procedentem
et in utroque permanentem,
Sanctam et individuam Trinitatem,
unum Deum omnipotentem.

Te deprecor, supplico et rogo,
auge fidem, auge spem,
auge caritatem:
fac nos per ipsam gratiam tuam
semper in fide stabiles et in opere efficaces,
ut per fidem rectam
et condigna fidei opera
ad vitam, te miserante, perveniamus aeternam.

Gloria Patri, qui creavit nos,
gloria Filio, qui redemit nos,
gloria Spiritui Sancto, qui sanctificavit nos:
gloria summae et individuae Trinitati,
cuius opera inseparabilia sunt,
cuius imperium sine fine manet.
Te decet laus, te decet hymnus,
tibi debetur omnis honor,
tibi benedictio et claritas,
tibi gratiarum actio,
tibi honor, virtus et fortitudo, Deo nostro,
in saecula saeculorum. Amen.

#TheTallisScholars

Видео William BYRD - «Tribue, Domine» / THE TALLIS SCHOLARS канала ЛУЧШАЯ ХОРОВАЯ МУЗЫКА