Толерантты тасбақа | Қысқаметражды қазақша мультфильм (2021)

ТОЛЕРАНТТЫ ТАСБАҚА

Қазақ халқы ықылым заманнан "Ескі жол", "Қасқа жол", "Жеті жарғы" сынды шариғатпен астасып жатқан заңдармен елді тәртіпке бағындырды. Ол заңдар қазақ халқының барлық әлеуметтік мәселелерін қамтыды. Ұлттық санамыз бен салт-дәсүрімізге біте қайнасты. Қаншама зұлмат күндер басымыздан өтсе де, өзге ұлттармен ассимиляцияланбай, ұлттық ерекшелігіміздің сол күйі сақталуы соның айқын дәлелі болмақ.

Алайда соңғы кездері батыстың өмір сүру салтын жұртымызға сіңіргісі келетіндер көбейді. Түрлі сылтауларды келтіріп, отбасылық құндылықтарымызға қол салғысы келеді. Зорлықты сылтауратып, қорлықты тықпамалақ. Бұл анимациялық мультфильм сол қызу талқыланып жүрген зорлық-зомбылыққа қарсы заңына арналады.

Тасбақаның сауыты оны жыртқыш аңдардан қорғайды. Оның жанының аман қалуы сауытының арқасында емес пе? Егер тасбақа еркіндікті сылтауратып, өзін қорғап тұрған құндылығын тәрк етсе, жыртқыштарға жем болады. Сол іспетті әр ұлттың мәдениеті қорғаушы сауыты болмақ. Егер кім одан бас тартса, жат бұзғыншы мәдениеттің құрбаны болады.

#ТолеранттыТасбақа #ҚазақшаМультфильм #ӘмбебапАнимациялықСтудия

Видео Толерантты тасбақа | Қысқаметражды қазақша мультфильм (2021) канала Әмбебап Анимация