PƏRPƏTÖYÜNÜN BİLMƏDİYİMİZ FAYDALARI

Gövdəsinin uzunluğu 10-52 sm olan, torpaq üzərində yayılan və yaxud dik qalxan ot bitkisidir.

Pərpətöyünün vətəni Hindistan, Argentina və Braziliya hesab edilir. Yabanı pərpətöyün isə Azərbaycanda bağ və bağçalarda alaq bitkisi kimi yayılıb. Türkiyədə semizotu adlanan bu bitkiyə Respublikamızın bir çox bölgələrində pərpərəng də deyilir. Qida vasitəsi kimi gənc zoğlarından və yarpaqlarından istifadə olunur. Qida dəyəri yüksək olan pərpətöyünün çox faydaları var.

1.Ürəyi qoruyur və qan təzyiqini artırır:
Doymamış yağ turşularından, xüsusilə Omega-3 yağ turşuları və digər turşularla zəngin olan pərpətöyün ürək damar sağlamlığını qoruyur. Xolesterolu aşağı salır, həm də arterial təzyiqi artıraraq hipotoniyanın qarşısını alır.

2. Böyrəklərdəki qum və daşı tökür:
Sidikqovucu və toksin təmizləyici xüsusiyyəti olan pərpətöyünün böyrəkdəki qum və daşı tökdüyü məlumdur.

3. Antibakterial təsirə malikdir:
Bakteriya, göbələk və dizenteriya törədici mikrobların yaranmasına qarşı qoruyucu təsirə malik olduğundan bədəni xəstəlik yaradan mikroorqanizmlərdən qoruyur.

4. Həzm sistemini gücləndirir, qəbizliyi isə aradan qaldırır:
Vitaminlərlə və minerallarla zəngin olması səbəbi ilə həzm sistemini gücləndirir, yüksək miqdarda liflər isə qəbizliyin qarşısını alır.

5. Gözü və dərini qoruyur:
Dəridə quruluq kimi problemlərə faydalıdır. Ondan hazırlanan maska dərini cavanlaşdırır, qırışların daha az nəzərə çarpmasını təmin edir. Tərkibindəki A vitamini sayəsində göz problemlərinə qarşı da qoruyucu təsirə malikdir.

6. Yaraların müalicəsində:
İrinli yaraların müalicəsində təmiz yuyulmuş pərpətöyünü kompres şəklində istifadə olunur.

7. İlan və zəhərli həşərat dişləməsi zamanı:
Zəhərli ilan və həşəratların dişləməsi zamanı pərpətöyünün yarpaqlarından antioksid maddə kimi istifadə olunur.

ZƏRƏRLƏRİ:

Arterial təzyiqi yüksəltdiyinə görə hipertoniyadan əziyyət çəkənlər pərpərəndən istifadədə ehtiyatlı olmalıdırlar.

Pərpərənin daha bir əks göstərişi hamiləlikdir. Bu bitki uşaqlığın tonusunu artırır ki, bu da hamilə qadınlar üçün zərərlidir.

Видео PƏRPƏTÖYÜNÜN BİLMƏDİYİMİZ FAYDALARI канала X - FAKTLAR