Fatihə surəsinin düzgün oxunuşu | Quran əzbərləyirik #4 | Bəxtiyar Turabov

Quran öyrənməyin fəziləti

Osman ibn Affandan (radiyallahu anhu) rəvayətə görə, Rasulullah (sallallahu aleyhi və səlləm) demişdir:
"Sizin ən xeyirliniz, Quranı öyrənən və onu (başqalarına) öyrədəndir."

Abdullah ibn Məs'ud (radiyallahu anhu) demişdir:
"Qəlbimiz xəstə olmasaydı, Allahın kitabını oxumaqdan doymazdıq."

Quranı əzbərləmək üçün, ən müxtəsər və ən önəmli 8 səbəb

1. İxlaslı olmaq (Riya və şöhrətdən uzaq olmaq).
2. Bir kitabdan (bir çap və ya bir nüsxə) istifadə etmək (Gözün öyrəşməsi üçün).
3. Əzbərləmək üçün, müəyyən bir vaxt ayırmaq və mütəmadi olaraq həmin vaxtda əzbərləmək.
4. Təkrar edə biləcəyin miqdarda əzbərləmək (Bu gün 4 ayə əzbərləyib sabah 1 ayə əzbərləməmək. Sənə rahat olanından başlamaq).
5. Əzbərlədiyini hər gün təkrarlamaq (10 dəfə, 20 dəfə, 30 dəfə və s. bacardığın qədər çox təkrarlamaq).
6. Əzbərlədiyin ayələri namazda oxumaq.
7. Əzbərlədiyin ayələrin mənasını bilmək (Tərcümə və təsirinə baxmaq).
8. Ən önəmlisi: Günahları tərk etmək (Çünki, günahkar və asi insana, dini, xüsusən də Qur'anı öyrənmək çox çətin olur. Elə isə kiçik olsun və ya böyük, bütün günahlardan uzaq olmaq və onları tərk etmək).

Bu səbəblərdən sonra da, çalışmaq lazımdır ki, öyrəndiyimiz ayələri öz həyatımızda tətbiq edək.

Necə ki, Ömər ibnul Xattab (radiyallahu anhu) demişdir: "Biz 10 ayə öyrənib, əməl etmədikcə, digər ayələrə keçməzdik".

Allah Sunhənəhu Təalə, bizi, Onun kitabını öyrənib və öyrətməkdə müvəffəq etsin!

Əziz və dəyərli Quran sevərlər. Qurani-Kərimin 30-cu CÜZ'ünü əzbərləmək istəyənlər aşağıdakı keçiddən istifadə edə bilərlər. Uca Allah bizləri Qurani-Kərimi oxuyub, əzbərləməyə müvəffəq etsin.

QURAN ƏZBƏRLƏYİRİK:
https://www.youtube.com/playlist?list=PLgzWbUelLdiXkWQwKgv7T2GQGfCIYa1OL

http://quran-tv.com/

#BəxtiyarTurabov #QuranƏzbərləyirik

Видео Fatihə surəsinin düzgün oxunuşu | Quran əzbərləyirik #4 | Bəxtiyar Turabov канала Bəxtiyar Turabov