Президент Шавкат Мирзиёев Андижон вилоятига келди

Президент Шавкат Мирзиёев Андижон вилоятига келди.
Давлатимиз раҳбари дастлаб Олтинкўл туманидаги “Кўҳна водий баҳори” фермер хўжалигида бўлиб, ғалла ва ғўза ривожини кўздан кечирди.
Ғўза қатор ораларига соя экиш бўйича Андижон тажрибасини яратишга кўрсатма берилди.
Шу ерда пахтачилик, ғаллачилик ва мева-сабзавотчилик кластерлари ҳамда чорвачилик тармоқларини ривожлантириш бўйича лойиҳалар тақдимоти ўтказилди.
Президент Шавкат Мирзиёев Андижон шаҳридаги “ВБМ Текстиль Груп” масъулияти чекланган жамият фаолияти билан танишди.
Бу ерда йилига ўртача 11 миллион дона тайёр трикотаж маҳсулотлари ишлаб чиқарилади. Корхонада 1 минг 200 нафар аёл иш билан таъминланди.
Давлатимиз раҳбари корхона ишчилари билан суҳбатлашди.
Андижон шаҳрида йигирмата 7 қаватли, иккита 16 қаватли уй барпо этилди.
Президентимиз ушбу мавзени бориб кўрди. Хонадонлардан бирида бўлиб, оила билан суҳбатлашди.
Аҳолини турар жойлар билан таъминлашни изчил давом эттириш, туманлардаги аҳоли зич жойларга ҳам коммуникация олиб бориб, ҳамма шароитларга эга кўп қаватли уйлар қуриш, замонавий қишлоқлар барпо этиш бўйича кўрсатмалар берилди.
Давлатимиз раҳбари Андижон вилоятига сафари чоғида Марҳамат туманидаги “Водий ҳамкор агрофирмаси” томонидан ташкил этилган қуёнчилик кластери билан танишди.
Шу ерда чорвачилик, паррандачилик, балиқчилик корхоналари салоҳияти ҳақида маълумот берилди.
Вилоятда омихта ем ишлаб чиқаришни кўпайтириш, қуёнчиликни 1 миллион бошга етказиш бўйича топшириқлар берилди.

Видео Президент Шавкат Мирзиёев Андижон вилоятига келди канала UZBEK TV