Батыс-2 ауданындағы жаңа үйлердің "жыры" таусылар емес

Бүгін Батыс-2 ауданындағы №1 "Г" үйдің үш бірдей корпусының тұрғындары жаппай наразылыққа шықты. Элиталы аймақ саналатын ауданның тұрғындары мәселелерімізді қайталай беруге өзіміз ұялатын болдық деп отыр. Үйді тұрғызып берген жеке компаниямен араздасып жүрген жұртшылық осыдан бірнеше ай бұрын жергілікті әкімдікке арыз түсірген. Тұрғындардың шағымы бойынша бүгін әкімдік жанындағы мониторинг топ мүшелері үйдің жағдайымен танысты.Мониторингтік топ мүшелеріне бірінен соң бірі жағдайларын түсіндірген тұрғындар санында есеп жоқ. Үш бірдей корпустың тұрғындары үйде жиі жарық өшіп, су тоқтап қалатындығына наразы. Жұртшылық несиеге алған үйіміздің қордаланған мәселелері шаш-етектен дейді. Былтыр ғана қоныстанған олар жаңа үйдің сапасы көңіл көншітпейді деген уәж айтты. Көп қабатты үй былтыр маусым айында тапсырылған. Үйдің сылақ жұмыстары толық аяқталмаған. Ауланың ішкі жолдары құжат бойынша асфальтталуы керек болғанымен, ол әлі қолға алынбаған. Тұрғындарды тыңдап шыққан жедел мониторингтік топ мүшелері аудандағы көпқабатты үйлерге бас сұқты. Сол маңнан табыла кеткен мердігерлердің бірі "Центр групп" ЖШС-гі өкілін де тыңдап шықты. Тұрғындар мен серіктестік арасындағы дауға қатысты нүкте қашан қойылары белгісіз. Өйткені мониторингтік топ мүшелері арыз бойынша тексеру қорытындысын құзырлы орындарға жолдамақ.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Батыс-2 ауданындағы жаңа үйлердің "жыры" таусылар емес канала РИКА ТВ