Атырау облысында алдағы бес жылда су жетіспеушілігі 40 пайызға дейін өсуі мүмкін

Атырау облысында алдағы бес жылда су жетіспеушілігі 40 пайызға дейін өсуі мүмкін. Осыған байланысты өңірде жаңа екі сүзгілеу стансаны іске қосу жоспарланып отыр. Бұл жайында бүгін облыс әкімі Серік Шәпкенов Мәжілісте өткен Парламенттік тыңдауда айтты. Сондай-ақ, өңір әкімі «Астрахан-Маңғышлақ» су құбырының мәселесіне де тоқталды.
Атырау облысында жылдан жылға жер асты су қорлары азайып келеді. Бұл мәселені түпкілікті шешу үшін барлау жұмыстары жүргізіліп, арнайы жоба әзірленген. Жалпы құны 5 миллиард теңгеге бағаланған жоба аясында бірқатар елдімекендегі тозған құбырларды жөндеп, жаңасының құрылысын бастауға мүмкіндік бар деді Серік Шәпкенов. Бұдан бөлек өңір басшысы облыстағы каналдардың жағдайына да тоқталды.
СЕРІК ШӘПКЕНОВ, Атырау облысының әкімі:
– Облыстағы каналдардың жағдайы тозған, су өткізуі қабілеті өте төмен. Осыған байланысты, 7 канал бойынша жөндеу жұмыстары жүргізілді, 14 канал бойынша жобалық-сметалық құжат әзірленіп, республикалық меншікке берілді. Үш арна бойынша ішінара қаржыландыру басталып, бұл жұмыстарға 250 миллион теңге бөлінді.
Бүгінде Атырау қаласы және Мақат ауданын сумен қамтамасыз ететін су тазартқыш жабдықтар әбден тозған. Қазір тіпті апаттық жағдайда деді аймақ басшысы. Сондықтан ол, су тапшылығы туындайтынын айтып, жаңа екі сүзгілеу стансаны іске қосу жоспарын айтты.
СЕРІК ШӘПКЕНОВ, Атырау облысының әкімі:
– «Астрахан-Маңғышлақ» су құбыры арқылы халықты сумен қамтамасыз ету мәселесімен бірге, өңір экономикасының негізін қалыптастыратын ірі өнеркәсіптік кәсіпорындардың да мәселелерін шешу қажет. Сондықтан, құбырды екі кезеңнен тұратын қайта жаңғырту және өткізу қабілетін ұлғайту бойынша жоспарланған құрылыс жұмыстарын кейінге шегермей, тездетіп шешу қажет деп санаймыз.
Сондай-ақ, әкім Ресеймен бірлесіп, Ириклин су қоймасының су жіберу тәртібін қарастыруды ұсынды.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Атырау облысында алдағы бес жылда су жетіспеушілігі 40 пайызға дейін өсуі мүмкін канала Информбюро 31