Алматыда жарық сөніп тұрғындар әбігерге түсті

Бүгін сағат 12 шамасында Алматының бірқатар бөлігінде жарық өшіп қалды, деп хабарлайды «Хабар 24».

Қаланың жылу-энергия кешені компанияларының ресми өкілі Ян Гириннің мәлімдеуінше, абоненттердің 70 процентке жуығы жарықсыз қалған. Соның кесірінен қала көшелерінде бағдаршамдар жұмыс істемей, жолдарда кептеліс пайда болды. Троллейбустардың қозғалысы қиындады. Тіпті кейбір үйлерде, ыстық-суық су тоқтап қалған. Ал метро мен ауруханалар қалыпты жағдайда жұмыс істеді. Өйткені олар автономды генераторлармен жабдықталған. Қала әкімдігі болса, жарық KEGOC желісінің бойында сөнгенін айтады. Себебі ондағы кернеу төмендеп кеткен. Осыған орай «Алатау Жарық» компаниясы қосалқы станциялардағы автоматты басқару жүйесін іске қосты. Түскі үштен өте Алматыда электр энергиясын беру толықтай қалпына келтірілді. Ал «KEGOC» компаниясының хабарлауынша, ақау Өзбекстан мен Қырғызстанның энергия жүйесінен шыққан.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео Алматыда жарық сөніп тұрғындар әбігерге түсті канала Телеканал Хабар 24