MAMMALIA - මා (Abiman Seyaa)

කිසිදු ඉවක් බවක් නොදැනෙන, කිසිවක් නොපෙනෙන, කිසිවක් නො ඇසෙන කිසිම මොහොතක් කිසිදාවත් ගෙවුනේ නැත.       
       අපමණ දැහැන් බිඳිමින් එකිනෙක හා බැඳුනු ඇස කන මන වශීකෘත කරමින් ඒවා නැවත ආවර්ජනය වෙමින් නැවත නැවත සකස් කර දෙමින් එකිනෙකට වෙනස් වූ සිතුවිලි වලින් යුක්ත වූ අතීතයක් සහ අනාගතයක් ද නිර්මාණය කරන්නේ ය.
      යමක් දුටු කල මා සිහිපත් වෙයි. යමක් ඇසුනු කල මා සිහිපත් වෙයි. යමක් දැනුනු කල මා සිහිපත් වෙයි. ( මක් නිසා ද මා නොමැති නම් කිසිවක් පෙනෙන්නේ ද, ඇසෙන්නේ ද, දැනෙන්නේ ද නැත ). කිසි දෙයක් නොපෙනෙන, නො ඇසෙන, නොදැනෙන කල ද මා සිහිපත් වෙයි. එවිට ද සිහිපත් වන්නේ මම දුටු දෙයයි. මම ඇසූ දෙයයි. මට දැනුනු දෙයයි.
       මෙහිදී මතක් කළ යුතු කරුණ නම්, මුලු මිනිස් සංහතියම මම නම් කෙනෙක් තුළ සිරවී ඇති බවය. යමක් දුටු කල ද, ඇසුනු කල ද, දැනුනු කල ද මා සිහිපත් වෙයි. කිසිවක් නොපෙනෙන, නො ඇසෙන , නොදැනෙන විටදී ද මා සිහිපත් වෙයි. එසේ නම් සෑම විටම මම ය.
                  කතාකරන සියල්ලෝ ම තමන් මා යනුවෙන් හඳුන්වයි. කතා නොකරනවුන් ද මා යනුවෙන් සිතනවා විය හැකිය. එසේ නම් සෑම තැනකම මම ය.
      මා යනුවෙන් සිතන, මා යනුවෙන් හඳුන්වන සියල්ලන්ගෙන් ලෝකය පිරී ඉතිරී ඇත්තේ ය. ඉතින් මෙසේ කීමට අවසර. මම යනු ලෝකයයි. මම යනු විශ්වයයි. සියල්ලම ඇත්තේ මා තුළයි. මාගේ ඇස තුළයි. මාගේ කන තුළයි. මගේ මන තුළයි.
       මෙකී දෑ සිහියෙන් තොරව සිදුවන විට පැටලිලි සහගතය. අතරමං ය. අවිනිශ්චිතය. සිහියෙන් යුතුව සිදුවන විට යතාර්ථය කුමක් දැයි අවබෝධ වේ.
     ගීතය ද මම ය. දැන් ඔබට වැටහී ඇත. මක් නිසාද මා නොමැති නම් ගීතයක් ද නො ඇසෙන්නේ ය.
      එසේ නම් ඔබ තුළද යම් වේලාවක් මා යන හැඟීම ඉස්මතු කර, වේදනා විඳින මම නැමති විශ්වයේ යතාර්ථය පැහැදිලි කරමින්, මේ ඔබගේ සවන් තුළ රැව්දෙන ප්‍රථම ගීතය යි ,  " මා " .


Produced by MAMMALIA
Melody | Music | Arrangements And Lyrics by MAMMALIA
All Rights Reserved.
Facebook -
https://www.facebook.com/MammaliA.attitude/

Видео MAMMALIA - මා (Abiman Seyaa) канала MAMMALIA