“Жанубий Кемачи” конидаги 117 сонли қудуқ

“Ўзбекнефтгаз”: “Жанубий-кемачи” конидаги қудуқ таъмирдан сўнг яна ишга туширилди

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғига кўра, конларда табиий газ қазиб чиқаришни кўпайтириш, углеводородлар захирасини ошириш мақсадида кенг кўламли ишлар амалга оширилмоқда.

Жумладан, қудуқларда капитал таъмирлаш ишларини бажариш баробарида, янги қудуқлар бурғиланиб, тугатилган қудуқлар мажмуасида турганлари эса мураккаб таъмирлаш ишлари олиб борилгандан кейин ишга қўшилмоқда.

“Ўзбекнефтгаз” АЖ Муборак нефть ва газ қазиб чиқариш бошқармасининг “Жанубий-Кемачи” конидаги 117-сонли қудуқда олиб борилган таъмирлаш ишлари ҳам муваффақиятли якунланди.

“Ўзбекнефтгаз” АЖнинг мутахассислари томонидан қудуқнинг 2240-2262 метр оралиқларида цемент кўприк ўрнатилиб, 2236-2240 метр оралиқларида перфорация ишлари амалга орширилди ва қудуқдан саноат миқёсидаги газ оқимини олишга эришилди. Айни пайтда ўзлаштирилган қудуқдан бир кунда 30 минг куб метр газ, 0,8 тонна конденсат олинмоқда.

Маълумот учун: “Жанубий-Кемачи” кони Бухоро вилоятининг Қоровулбозор тумани ҳудудида жойлашган бўлиб, 1979 йил ишга туширилган.

“Ўзбекнефтгаз” АЖ Матбуот хизмати

Видео “Жанубий Кемачи” конидаги 117 сонли қудуқ канала O‘zbekneftgaz AJ