Ош шаарында өлкө боюнча биринчи жолу сорттоочу контейнерлер

__________________
Подпишись на канал:
https://www.youtube.com/channel/UCZQVbdleaY97wek8wZbHa0w/featured

Наш официальный сайт:
https://www.oshcity.kg/

Мы в социальных сетях:
Facebook • https://www.facebook.com/OshMeriya
Instagram • https://instagram.com/osh.meriya?igshid=YmMyMTA2M2Y=
Telegram • https://t.me/osh_meriya
Ош шаарында өлкө боюнча биринчи жолу сорттоочу контейнерлер менен тиричилик таштандыларын чогултуу үчүн стационардык аянтчалардын долбоору ишке кирди

Ош шаарынын мэри Алмаз Мамбетовдун демилгеси менен “Ош-Тазалык” ишканасы бүгүн, 17-августтан тарта тиричилик таштандыларын сорттоочу контейнерлер менен чогултуучу стационардык аянтчалардын жаңы долбоорун ишке киргизди. Белгилей кетсек, бул участок Араван кичи районундагы Г.Айтиев көчөсүндөгү №11, №13 көп кабаттуу үйлөрдүн ортосуна орнотулуп, мындай долбоор Кыргызстанда биринчи жолу ишке ашырылып жатат.

Бул пилоттук долбоордун алкагында турмуш-тиричилик таштандыларын сорттоо жана курулуш жана коммерциялык таштандыларды уруксатсыз чыгаруу маселесин көзөмөлдөө үчүн стационардык жерде диспетчер туруктуу жайгашат.

Долбоор менен Ош шаарынын мэри Алмаз Мамбетов таанышып, анын шаардын экологиялык абалын жакшыртуудагы маанисин белгиледи.

Жалпысынан 10го жакын мындай стационардык участокторду орнотуу пландаштырылууда. Бул долбоор “Ош-Тазалык” тарабынан өз алдынча ишке ашырылып, калаанын экологиялык абалын жакшыртууга багытталган.

Ошондой эле мэр жакынкы үйлөрдүн жашоочулары менен жолугушту. Жергиликтүүлөр долбоор боюнча ойлорун билдиришип, балдар аянтчасын жаңыртып берүүнү суранышты. Бул багытта жеринде тиешелүү кызматтардын жетекчилерине тапшырмалар берилди.

Видео Ош шаарында өлкө боюнча биринчи жолу сорттоочу контейнерлер канала Osh Meriya