ЧАШМА: ҳақиқат ва ёлғонлар

Самарқанд кўчаларини кенгайтириш, обод қилиш, чароғон қилиш айримларга ёқмаяпти ёки улар интернетда фитна қўзғаши учун бир баҳона бўлмоқда.
Умар Ҳайём кўчасидаги доимо чиқинди ва ахлатлар билан тўлиб-тошиб ётадиган, натижада баҳордаги ёғингарчилик пайтлари одамларнинг уйларини сув босишига сабаб бўладиган ЧАШМА зовурини ер остидан, махсус қувурлар орқали олиб ўтиш айримларга, менимча, ахлатини шу зовурга ташлайдиган, ҳаммом ва ҳожатхоналарини шу зовурга ўнглаб қўйган одамларга ёқмади ва интернетда ғавғо кўтардилар.
Ўша одамларни таклиф қилиб, биргаликда тасвирга олмоқчи бўлдик, аммо узоқдан тош отадиган бу паҳлавонлар келишмади. Ўзимиз кино олдик. Марҳамат, кўринг, ўзингиз баҳо беринг!
Унутманг, нима қилаётган бўлсак, Самарқандимиз гўзал бўлиши учун, одамларимиз дунёнинг барча НОРМАЛ шаҳарларида яшаётган ОДАМЛАРДЕК яшаши учун қилинаяпти.
Тўғри, камчиликларимиз ҳали кўп. Аммо улар тош отиш билан батараф бўлмайди. Камчиликларимиз ҳам ўзимизники. Улар бу йил ёки ўтган йили пайдо бўлмаган, ЙИЛЛАР ДАВОМИДА пайдо бўлган. БИР ЙИЛДА ҲАММАСИНИ ТУГАТА ОЛМАЙМИЗ.
Аммо ИККИ ЯРИМ ЙИЛДА тугатишга бел боғлаганмиз.
Ким Самарқандни яхши кўрса, узоқдан тош отишнинг ўрнига битта кесакни олиб ташлаш билан бўлса ҳам, бизга ёрдам берсин! Бунга ҳам кучи етмаса, маслаҳати билан ёрдам берсин! Бу ҳам оғирлик қилса, камчилигимзни ўзимизга айтсин, дунёга жар солмасдан. Камчилигимизни айтишингиздан қўрқмаймиз ҳам, уялмаймиз ҳам, чунки у ўзимизники! Фақат аюҳаннос солмасдан, ҳамма ёқ бузилаяти, дарахтлар чопилаяпти, деб ваҳима қилмасдан.
Билиб қўйинг, айрим дарахтларни олмасдан, айрим уларни бузмасдан шаҳар кўчаларини АВЛИЁНГИЗ ҳам кенгайтира олмайди! Аммо раҳбарларимиз БИТТА ҲАМ ДАРАХТНИ КЕСМАСЛИК чорасини ахтараяптилар. Мана, одамлар норози бўлмасин, деб Хўжа Аҳрор йўлини ҳам борича таъмирлаяпмиз. Ваҳоланки, уйлар бузилса, кенг ва равон йўл бўларди. Ҳозирги таъмир билан кўча янги асфальт бўлиб, чиройли бўлади, аммо НАГРУЗКА қолаверади. Тирбандликлар йўқолиши учун кўчаларимизни кенгайтириш керак, бунинг учун эса, уйлар бузилиши керак! Ё унисига ё бунисига кўниш керак. Афсуски, айримларга кечаги иссиқлар ёқмаётган бўлса, энди бугунги салқин ҳаво ёқмаяпти...

Видео ЧАШМА: ҳақиқат ва ёлғонлар канала Karimberdi To'ramurod