ҚАРАҚАТ ӘБІЛДИНА МАҢЫЗДЫ ЖАЗБА ЖАРИЯЛАДЫ

Отандық танымал әнші Қарақат Әбілдинаның анасы өмірден өткеніне 33 күн толуына байланысты жазба қалдырды.
Зымырап жатқан уақыт...
Анашымның қайтқанына бүгін бір ай,үш күн болды.
Бұл - Қыдыр үшеуіміз бірге түскен соңғы фото.🥺
'Ерін пір тұтқан бір әйел көрсем, ол-Қақатымның анасы’-деп Қыдекең анашымды өз анасындай жақсы көретін,ерекше құрметтейтін.
Еркелеп, ‘Қызыңыз соңғы кездері жалқауланып,бізге дұрыс қарамай жүр.Ауылға апарып, бие, сиыр сауғызып,жұмысқа бір салып әкелесіз-ау деймін’-деп, әзілдері де жарасатын еді... Анам маған: ‘Сенің қорғаның да,тірегің де,жанашырың -күйеуің. Ол болмаса, сен ешкім емессің. Азаматыңмен ғана сүйкімдісің,сонымен ғана беделдісің.Ол қарайып қасыңда жүргенде,сені ешкім басына алмайды.Айбының ол сенің’-деп отыратын. «Алтын басты әйелден,бақыр басты еркек артық», «Күйеуіңді құдайыңдай күт,кешірімді бол,адал бол, бетіне келуші болма»-деген сөздері де жадымда мәңгі сақталар.
Біздің отбасы тәрбиесінде, кеткен қыз қайтып келмейді. Тәртіп сондай. Әкеміз бен ағаларымыздың алдында ауыр аяқ боп, шертиіп жүру ұят саналады. Күні бүгінге дейін солай, марқұм әкемнің қатал талабын сақтаймыз. «Барған жеріне судай сіңіп,тастай батсын» дегені шығар, жөнсіз төркіндеткенімізді де құптамайтын. Сырттай тілеуімізді тілегенімен, отбасылық өмірімізге араласқан емес.
Әке-шешемізді ұятқа қалдырмауды ойлап, бәріміз, шама-шарқымызша, ел болуға тырыстық.
Бүгінде Қыдыр да өз ұлдарына: «шешесіне қарап, қызын ал»,- деген, жар таңдағанда түріне,басқасына емес, тегіне қарап, анасын танып алу керек' - деп отырады. Өмір бойына әкеме қызмет етіп, ризашылығын алуға тырысқан Анашымның асыл мінезін бағалай білгені ғой. Мінез-құлқы, бітім-болмысы, жүріс-тұрысы тұтас бір мектеп, ғылым, тәрбие болған әке-шешеме Алланың шапағатын тілеймін🤲Жаратқанның жолынан таймаған қарияларымыздың бүкіл ғұмыры тұнып тұрған өнеге 🙏

Видео ҚАРАҚАТ ӘБІЛДИНА МАҢЫЗДЫ ЖАЗБА ЖАРИЯЛАДЫ канала ЕРЕКШЕ CHANNEL