Артан Садику, Горан Илиќ и Виктор Канзуров во емисија на Снежана Лупевска (14.04.2010)

На 14 април 2010 година на програмата на скопската телевизија со национална покриеност „Канал 5“, во емисијата „Фактор 5“ гости на новинарката Снежана Лупевска ѝ беа аналитичарот со потекло од Тетово Артан Садику, актерот Горан Илиќ од Куманово и новинарот Виктор Канзуров од Скопје, а преку линковска врска беше вклучен и тогашниот пратеник во Собранието на Република Македонија, скопјанецот Александар Спасеновски, кој доаѓаше од редовите на во тоа време владејачкото ДПМНЕ-Ваљево.
„Фактор 5“ почна да се емитува од 12 април 2010 година во ударниот термин на „Канал 5“ во 19,30 часот, секој работен ден. Емисијата траеше една сезона, беше замислена како дебатна, со различни водители, во која ќе се отвораат низа теми, од оние кои имаат предзнак национален интерес, сѐ до прашања од секојдневниот живот на граѓаните.
Емисијата „Фактор 5“ од 14 април 2010 година, на која водителката Снежана Лупевска ѝ даде тематски наслов: „Соседи“, беше замислена како претставување на по еден етнички Албанец, Србин и Бугарин, сите државјанини на Република Македонија и со истата етничка припадност од каква што се мнозинските населенија во соседните земји: Албанија, Косово, Србија и Бугарија, та низ таа призма да се набљудуваат и коментираат меѓусоседските односи.

Видео Артан Садику, Горан Илиќ и Виктор Канзуров во емисија на Снежана Лупевска (14.04.2010) канала Viktor Kanzurov