Падару модар хабар надоранд, ки писарашон дар марзи Сурия ва Ироқ боздошт шудааст.

Ҷавони тоҷике, ки дар марзи Сурияву Ироқ боздошт шуда, худро “Олим Юсуф Аҳмад Шариф” муаррифӣ кардааст, дар асл сокини маҳаллаи Гулистони ноҳияи Шоҳмансури шаҳри Душанбе Олимов Аҳтам Юсуфович будааст.

Замоне, ки мо ба манзили зисти волидайни ин ҷавон рафтем, онҳо ҳанӯз хабар надоштанд, ки фарзандашон дар марзи Сурия дастгир шудааст.
Хосият Тоҳирова, модари ин ҷавон гуфт, фарзандаш соле пеш ба Русия рафта буд. Бо огоҳ шудан аз хабаре, ки фарзандашон дар марзи Сурияву Ироқ боздошт, ин модар дар ҳайрат афтод ва гуфт, ҳеҷ наметавонад, ба ин хабар бовар кунад.

“Бачаи ман дар Русия ҳаст ва ҳеҷ боварам намеояд, ки ӯ ба Ироқ рафта бошад. Охир ӯ чи кор мекунад, дар Ироқ? Ӯ гуфт, ки кор мекунам ва меоям, хонадор мешавам. ”

Волидайни Аҳтам мегӯянд, ӯ дар ҳоле тасмими сафар ба Русияро гирифт, ки аз ҳамсараш пас аз се моҳи зиндагӣ ҷудо шуд ва ӯро пайваста наздикони ҳамсараш таҳдид мекарданд. Дар пайи таҳдидҳои наздикони ҳамсари собиқаш ба гуфтаи волидайн Аҳтам ба Русия фирор мекунад. Ӯ бо бародараш дар сохтмоне кор мекардааст, вале пас аз чанде бо бародараш ҷанҷол карда, аз ӯ ҷудо мешавад.
Юсуф Олимов, падари Аҳтам мегӯяд, тақрибан ҳафт моҳи пеш занг зад ва гуфт, ӯ ба ҷангале ба кор меравад, ки он ҷо дигар телефон кор намекунад.

Видео Падару модар хабар надоранд, ки писарашон дар марзи Сурия ва Ироқ боздошт шудааст. канала Ozodivideo