Не сұмдық?!

Не сұмдық?!

Қазақ қызға қырық үйден тыйым сап,
Инабатқа, ғибратқа үйренген.
Туған кезде ел басына қиын шақ
Қайсар қыздар еркектерше киінген.

Қыздың жолы тым жіңішке деп біліп,
Арулардың адаспауын ойлапты.
Қыздарына «Алтыбақан» тептіріп,
«Ақсүйек» пен «Қыз қууды» ойнатты.

Ай маңдайын ашық етіп, өбектеп,
Қазақ қызға орын берген төрінен.
Елдің көркі қыз деп біліп, ерекше,
«Қыз – қонақ» деп артық көрген бәрінен.

«Әйел – қырық шырақты» деп, о бастан,
Ардақ тұтқан аналардың есімін.
Әйел заты еш шықпаған санаттан,
Құрметтеген алдындағы бесігін.

Бүгін, міне, қара киім жамылып,
Дінпазданған әйелдерге өкіндік.
Қайғы жоқта қара киіп, қамығып,
Бетін бүркеп жүру деген не сұмдық?!
Алматы қаласы Қоғамдық даму басқармасы тапсырысы бойынша "Адырна" ұлттық-этнографиялық бірлестігі
Өленнің авторы: Әбубікір Қайран
Өлеңді оқыған: Аманан Еңсебайұлы Серіков
Видео: Гафу Студия
Монтаж: Great steppe production

Видео Не сұмдық?! канала Great steppe production