Güldən də, çiçəkdən də, günəşdən də gözəlsən - Əliağa Vahid

Music:
Mellow Aether - Downtempo/Chill - Royalty Free Music
TeknoAXE's Royalty Free Music

https://www.youtube.com/watch?v=wcU6vJholS8

http://teknoaxe.com/Home.php

Eliağa Vahid ( qəzəl )

Bilsən, gözəlim, sən nə qədər sevgili cansan,

Zülm eyləmə, qoy söyləməsinlər can alansan.

Soldurma o gül çöhrəni, aldanma rəqibə,

Öz qədrini bil ki nə qədər indi cavansan.

Egyarə inanma, gözəlim, qorxuram ondan,

Çox sadəsən, hər söz ki deyirlər inanansan.

Güldən də, çiçəkdən də, günəşdən də gözəlsən,

Sən baği - məlahət yetirən sərvi - rəvansan!

Gördüm, yenə min naz ilə biganəyə baxdın,

Çox şübhəyə saldın məni, bildim nigaransan.

Gör bir nə gözəllikdə yetirmiş səni tale,

Həsrət çəkir aləm sənə, məşhuri - cahansan.

Bu qədər səndə ki, var eşqu - məhəbbət,

Dunya qocalıb getsə, çətin sən qocalasan.

Видео Güldən də, çiçəkdən də, günəşdən də gözəlsən - Əliağa Vahid канала Nurlan Bayramov