იამნია Iamnia

იამნია (იანე იამ) ის ადგილია, სადაც ბიზანტიის დედოფალ ევდოკიას აგარაკი მდებარეობდა. ევდოკია კონსტანტინოპოლში საპატიო მძევლად მყოფი ყრმა ნაბარნუგის (შემდგომში პეტრე იბერი) აღმზრდელი იყო. იერუსალიმში დამკვიდრებული ევდოკია დაჟინებით ცდილობდა მონაზვნობის გზაზე შემდგარ აღზრდილთან ურთიერთობას. მაგრამ პეტრემ არ ისურვა ეს და იერუსალიმი დატოვა, ღაზას მაიუმში გადასახლდა. თუმცა, ევდოკია პეტრეს ბედზე მაინც ზრუნავდა, თავისი გავლენით მფარველობდა მას. წუთისოფელმა ისე მოაწყო საქმე, რომ პეტრე იბერმა იამნიაში, ევდოკიას აგარაკზე გაატარა სიცოცხლის ბოლო დღეები. იქვე მიიცვალა და შემდეგ მაიუმში, მისივე მონასტრის საძვალეში იოანე ლაზის გვერდით დაიკრძალა.
ამ ადგილს (იამნიას) ერთხელ ზამთრის მზიან დღეს ვესტუმრე. დაუვიწყარი დღე იყო. პალმახიმის კიბუციდან მაიუმის კონცხამდე ქვეითად გავიარე ზღვის სანაპირო და როდესაც იმ ადგილს მივადექი, სადაც მოხუცებულმა პეტრემ უფალს მიაბარა სული, გულზე უცნაური სევდა შემომაწვა. წარმოვიდგინე როგორ გასცქეროდა სიყრმის ასაკში სამშობლოდან იძულებით გადახვეწილი, წუთისოფლის ქარიშხლებისგან დაღლილი იმ დროს ყველაზე სახელგანთქმული ქართველი ბერიკაცი ზღვის ამ უკიდეგანო სივრცეს უკანასკნელად...

Видео იამნია Iamnia канала B. K.