Кәмелетке толмаған бала көшеде көлікпен жүрген

Бойдағы құмарлықтың салдарынан құрыққа қайтадан түсті! Петропавлдық полицейлер Интернационал мен Смирнов көшелерінің қиылысында көлік басқарған 17 жастағы баланы тоқтатты. Бұл бозбаланы тәртіп сақшылары жақсы біледі. Ол осындай құқық бұзушылықпен бір емес, 4-ші мәрте жауапқа тартылып отыр. Өзіне салынған айыппұлдың жалпы көлемі - 80 мың теңгеге жуық. Тәртіпсіз теріскейлік қаладағы колледждердің бірінде техникалық мамандықта оқиды екен. Заң өкілдеріне жағдайды түсіндіру барысында "Мамандықты, автомобиль жүргізгенді ерекше жақсы көргендіктен рөлге абайсызда отырамын" деп жауап қатқан. Құқық қорғау органдары апаттардың алдын алу мақсатында 19-шы сәуірден бастап “Қауіпсіз жол" іс-шарасын жүргізуде. Акция аясында полицейлер 8 мыңнан астам түрлі бұзушылықты, оның ішінде 155 мас жүргізушіні анықтаған.

Видео Кәмелетке толмаған бала көшеде көлікпен жүрген канала Телеканал МТРК