'ባ ሕ ሪ' ብ ጠዓመ መራኪ።

ባ ሕ ሪ
ኣብቲ ቓሕ ሰም ሓጺር ካልኢት
ናይ ተፈጥሮ ድቕድቕ ጸልማት
ትንፋስ ዘይህብ ማዕበል ጽፊዕት
ረዳኢ ዘይብሉ ብርቱዕ ኣውያት
ተደሚርዎ ነበልባል ሓዊ እሳት
ብርቱዕ ቓልሲ ንምድሕን ሂወት
ላዕልን ታሕትን ናይ መወዳእታ ሰዓት
ኣብ ዓለም ተመዝጊባ ጸላም ዕልት
ጨካን ባሕሪ ላንፓዱዛ
ስቃይ ገዲፍክልና ከቢድ ቃንዛ
ሰባት ወሲድካ ከምብዋዛ
ብሓዘን ዓለም ኩላ ተኪዛ
ግዘ ነዊሑ ንብዓት ክዛሪ
እቲ መንእሰይ ቡዙሕ ዘፍሪ
ከይጸገባ እዛ ዓለም ጻዕሪ
ወስድካዬ ኣሕጺርካሉ ዕምሪ
ይኣክል በለና ናይ ዘሓለፈ
እንዳረኣየ ካብ ጃልባ ዝጸደፈ
ተስፋ ጽባሕ ሂወቱ ዝሓለፈ
ከም ዓሳ ረሳኦም ዝተገፈ
ድሕሪ ከቢድ ሰቓይ መከራ
ጥምየት ጽምኢ ናይ ሰሃራ
ተጸቢት ነይርዎ ነባሕሪ ክሰግራ
ኣትየ ኢሉ ንወላዲት ከበስራ
ግን አንታ ባሕሪ ተጻቢእካዬ
ኣፍካ ከፊትካ ተጸቢካዮ
ተስፋ መጻኢኡ ኣቓሪጽካዮ
ዕሸል ዕድሚኡ አሕጺርካዬ
ነይሮም ናእሽቱ ህጻናት
ወላ ሓደ ዘይፈልጡ ንጹሃት
ጎራዙ ብጹሓት ወርሒ ጥኑሳት
ጠፊኦም ረዳኢ ዘብሎም ብኣውያት
ሎሚስ በጃካ ይኣክል
ኣይተጸልምቶ መጻኢ ዕድል
ክሳብ ዝውዳእ ዘለና መጋድል


ጠዓመ መራኪ።

Видео 'ባ ሕ ሪ' ብ ጠዓመ መራኪ። канала Bright Future of Eri