Klan News - Rusia lejon nënën e Alexei Navalny të shohë trupin e të birit

Një javë pas vdekjes së të birit, nënës së Alexei Navalnyt, aktivistit të ndjerë të opozitës ruse, iu tregua trupi i të ndjerit, por autoritetet ruse i bënë presion për të organizuar një ceremoni "të fshehtë" mortore.

"Ata duan që kjo të bëhet fshehurazi, pa ceremoni lamtumire. Duan të më çojnë në një varr të hapur prej tyre dhe të thonë: këtu është djali juaj. Unë nuk jam dakord me këtë," tha ajo në mesazhin e shpërndarë.

Gjatë një mesazhi me video, Lyudmila Navalnaya tha se në morg nënshkroi certifikatën e vdekjes. Sekretari i shtypit i ish-liderit të opozitës tha raporti mjekësor që iu paraqit zonjës Navalnaya thoshte se ai vdiq nga shkaqe natyrore.

E veja e Navalny ka thënë se ai u vra nga autoritetet ruse.

Lyudmila Navalnaya tha se ligji i detyron zyrtarët të dorëzojnë trupin e djalit të saj, por shtoi se po "shantazhohet".

Zonja Navalnaya udhëtoi për në qytetin verior rus të Salekhard pas lajmit për vdekjen e të birit. Ajo i bëri thirrje personalisht presidentit rus Vladimir Putin që ta lejojë që ta varros të birit. Nuk pati asnjë përgjigje të menjëhershme nga autoritetet ruse.

Navalny vdiq në burg më 16 shkurt. Zyrtarët thanë se ai u sëmur gjatë ajrosjes. E veja e tij Yulia Navalnaya ka pohuar se ai u vra me urdhër të Putinit dhe u zotua të vazhdojë luftën. Kremlini i ka mohuar akuzat, duke e quajtur "histerik" reagimin perëndimor për vdekjen.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook: https://www.facebook.com/klannews
Follow @klannews on Instagram: https://www.instagram.com/tvklannews/
#KlanNews #KlanNewsLajme #TvKlan

Видео Klan News - Rusia lejon nënën e Alexei Navalny të shohë trupin e të birit канала RTV KLAN