Paveier - Winterzick em ahle Kölle 2016

Paveier - Winterzick em ahle Kölle 2016

Die Kölsche däten fröher bedde,
dat d’r Winter nit ze hatt.
Denn söns moot m’r Kohldampf schiebe.
De mietsde wooten ald su kaum satt.
Wood et jetz och früher düster,
m’r hatt bes en de Naach ze dun.
De Pänz, die mooten metverdeene.
Kein Zick für en de Schull ze jonn.

Jo, et Lääve dat wor hatt.
Jeld un Esse woren knapp.
Muckefuck stund op dem Desch.
Glücklich, wä et wärm un drüsch.

Des sonndaach’s jing m’r en et Huhamp.
Ävver leichter wood et nit.
Aan de Botze droch m’r Helpe.
De Minsche wooten selden deck.
Bunnekaffe wor für Riche.
Für ne Arbeitsmann zu dür.
Spare, dat wor fass unmöchlich.
Et jov och domols schon en Stür.

Jo, et Lääve dat wor hatt.
Jeld un Esse woren knapp.
Muckefuck stund op dem Desch.
Glücklich, wä et wärm un drüsch.

Nanana ...

Un die Freud wor ämsu jrösser,
kom de Weihnachtszick eraan.
Denn dann jov et Printemänner.
Manchmol e Stöck Marzipan.
Ob dem Maat stunnten Buure.
Weihnachtsbäumcher braaten Jlanz
en die ahle kölsche Muure.
Wä Jeld hatt, kaufte sich en Weihnachtsjans.

Jo, et Lääve dat wor hatt.
Jeld un Esse woren knapp.
Muckefuck stund op dem Desch.
Glücklich, wä et wärm un drüsch.

Nanana ...

Видео Paveier - Winterzick em ahle Kölle 2016 канала fritz5109