मातंगसमाज,बार्टी समतादूत,वनहक्क व्यवस्थापकाच्या मागण्यांसाठी मा.मुख्यमंत्री एकनाथ शिंदे यांनानिवेदन

Video from अंबादास आहिरे सर भाजपा*मातंग समाजाच्या विविध प्रश्नांसह बार्टी समतादूत आणि वनहक्क व्यवस्थापकाच्या मागण्यांसाठी राज्याचे मुख्यमंत्री एकनाथ शिंदे यांना निवेदन…*
नाशिक - दि.21/10/2022 स्वातंत्र्याची 75 वर्ष पूर्ण करत असतांना मातंग समाज आजही सामाजिक, राजकीय, आर्थिक आणि शैक्षणिक दृष्ट्या मागास आणि वंचित आहे. समाजाला मुख्य प्रवाहात आणण्यासाठी आपले सरकार प्रयत्नशील असल्याने समाजाच्या वंचित घटकांना न्याय मिळावा यासाठी राज्याचे मुख्यमंत्री एकनाथ शिंदे यांना निवेदन देण्यात आले.
• लोकशाहीर साहित्यरत्न डॉ.अण्णाभाऊ साठे विकास महामंडळाचे अध्यक्ष आणि संचालक मंडळ तात्काळ नियुक्त करावे.
• लोकशाहीर डॉ.अण्णाभाऊ साठे यांना भारतरत्न पुरस्कार द्यावा.
• या मंडळावर समाजाचे नेते मा.रमेश तात्या गालफाडे यांची नियुक्ती व्हावी.
• मागासवर्गीय अ ब क ड आरक्षण वर्गीकरण व्हावे यासाठी कार्यवाही व्हावी.
• बार्टी च्या समतादूतांचा शासन सेवेत कायम स्वरूपी समावेश करून , त्यांचे वेतन आणि विविध प्रश्नांवर योग्य ती अंमलबजावणी व्हावी.
• बर्टीच्या एकूण कारभाराची उच्चस्तरीय चौकशी व्हावी.
• अनुसूचित जमाती , वन हक्क मान्यता अधिनियम 2006,2008 आणि 2012 च्या वनहक्क अमंलबजावणी कामी कार्यरत असलेल्या मानधन कर्मचार्यांना (वन हक्क व्यवस्थापक) शासकीय सेवेत सामावून घेणे साठी अंमलबजावणी व्हावी.
• कोविड काळातील आरोग्य विभागातील सेवक (कोविड योद्धे) यांना शासनाच्या नवीन भर्ती प्रक्रियेत प्राधान्य द्यावे.वरील विषयानुसार विविध प्रश्न मांडण्यासाठी आपण भेटीची वेळ द्यावी अशा विविध मागण्या निवेदन द्वारे करण्यात आल्या आहेत.
तसेच भाजपा नेते राज्याचे उपमुख्यमंत्री देवेंद्र फडणवीस यांची भेट घेणार असल्याचे प्रतिपादन अनुसूचित जाती मोर्चा शहर चिटणीस अंबादास आहिरे यांनी केले. यावेळी साहेबराव शृंगार, धनंजय जाधव, रवी जगताप यासह कार्यकर्ते उपस्थित होते.

Видео मातंगसमाज,बार्टी समतादूत,वनहक्क व्यवस्थापकाच्या मागण्यांसाठी मा.मुख्यमंत्री एकनाथ शिंदे यांनानिवेदन канала Ambadas Ahire