ERMƏNİ ƏSGƏRLƏRƏ BAXIB GÜLÜRDÜK - ŞOK ƏMƏLİYYAT

Erməni əsgərlərinə baxıb gülürdük - Şok əməliyyat
Azərbaycan Ordusunun sıralarından tərxis olunmuş bir hərbçimiz ordumuzun keçirdiyi Günnüt əməliyyat haqda sirli məqamları açıqlayıb.
O bildirib ki, Dövlət Sərhəd Xidmətinin əsgər və zabitləri bu əməliyyatda mühüm işlər görüb. Onlar sərt qayaları yararaq, səngər qazıb, post qurublar.
O bunları deyib:
“Hər şey bir anın içində baş verdi. Səhər açıldı və ermənilər gördü düz onların qarşısındayıq. Qum torbaları düzülmüşdü, onlara baxıb gülürdük. Elə bir mövqedə idik ki, onların dayandığı yer ovcumuzun içində idi. Əlverişsiz mövqedə olduqları üçün sakitcə çıxıb getdilər. Bəziləri isə qalmaqda israr edirdi, 2-3 gün onlar da məcbur olub geri çəkildilər. Bu əməliyyatın peşəkarlığı bütün Ermənistanı şoka salmışdı”.
Hərbçimiz ictimaiyyətə də səslənərək bu sözləri deyib:
“Ordumuza güvənin, hərbçilərimiz həqiqətən də çox əziyyət çəkirlər”.
Qeyd edək ki, əməliyyat 2018-cı il mayın 20-də başlayıb. Əks-həmlə nəticəsində Şərur rayonunun Günnüt kəndi, "Ağbulaq" yüksəkliyi, Qızılqaya dağı və Qaraqaya dağı azad olunub. Dərələyəz mahalının Arpa kəndi isə Azərbaycan ordusunun atəş nəzarəti altına keçib.
Döyüşlər nəticəsində, ümumi olaraq, 11,000 hektarlıq ərazi azad olunub. Əməliyyat Azərbaycan Silahlı Qüvvələrinə İrəvan- Laçın-Xankəndi avtomobil yoluna nəzarət etməyə imkan verib.
Əməliyyat zamanı Azərbaycan Ordusunun hərbçisi Adil Tatarov şəhid olub, erməni tərəfi ağır itkilər verib. #ermeni #esger #emeliyyat #ordumuz #GENERAL #ƏSİR #TARIX

Видео ERMƏNİ ƏSGƏRLƏRƏ BAXIB GÜLÜRDÜK - ŞOK ƏMƏLİYYAT канала 22-ci Əsr